HEBRAI 3:18 - Mara Bible RV (BSI)

¹⁸ Â pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

HEBRAI 3:18 ပူးပေါင်းရင်းမြစ်များ

HLAZY 78:22

Khazohpa a ngiapâ leipa ei ta, A pachhana ama ngâ leipa vâta, Cha hmo cha ama chô liata a tlôpa a châ.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MALUHREINA 14:23

Âmo pathlatuhpazy hnohta bie ei taihpa râh cha hmô aw veih ei; nâ mohnaopazy chhao hmô hra aw veih ei.

MALUHREINA 14:30

Bâh pazawhpa tlai ta nama pahrâ nawpa tao awpa ta bie ei châ taihpa ei râh cha, Zephune sawchapawpa Kâlebâ nata Nunâ sawchapawpa Zawsua tah leipa ta cha ahy hmah a ngia aw veih ei chi.

MALUHREINA 14:37

râh thâtih a chhiena lâta a vaw tlôkheituhpazy chô liata potlana tlô ta, Abeipa hmiakô liata thi khai ha ei ta.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

RAWMA 11:30

Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw.

RYHPACHANEINA 9:23

Abeipa ta, ‘Râh ei cha piepa ei cha kaw hnei teh u,’ tahpa ta Kâdesbânia tawhta a cha pasiesa no ei khata, Abeipa nama Khazohpa biepiepa cha a dyuh ei chi ta, ano cha ngâ leipa ei chi ta, a ao nathlie veih ei chi.

HEBRAI 3:11

Pathi iapa ta bie ei taihpa hawhta, ‘Ei pahâna liata a ngia aw veih ei,’” tah ta.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

HEBRAI 4:6

Thokha cha apahâna liata a ngia aw ei ta, thâtihpha a dao tuapa thokhazy deikua cha, ama reingiah leina vâta a ngia thei aw veih ei.