HEBRAI 2:17 - Mara Bible RV (BSI)

¹⁷ Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 2:17 ပူးပေါင်းရင်းမြစ်များ

2 THÂTIHZYRONA 29:24

Theihthaipazy ta miezy cha thie ei ta, ama thisaih chhaota maisâh liata moleina hlâna ta hlâ ei ta, Izarei saw zydua châta chatlaina ama tao. Izarei saw zydua châta raopa hlâna nata moleina hlâna tao awpa ta, abei biepiepa hawhta ama tao.

ISAI 11:5

Siana ta a chai a saih aw ta, Ngâchhihna ta a chai â saih aw.

EZEKIA 45:15

Izarei sawzy châta chatlaina tao awpa ta, ti yna Izarei sibiepa suzy liata a tlaihpa mietaku zaw tawhta, mietaku za no liata pô kha lymâ la aw ei chi ta, chazy cha niepa hlâna, raopa hlâna nata aryhna hlânazy châta nama hlâ aw, Abeipa Zehôvâh ta a tah.

EZEKIA 45:17

Chatanachata kyhchhi liatazy, thla thiehpa liatazy, Pahânohzy liata nata Izarei pathlazy châta kyhchhi raopazy liata, Izarei pathlazy vyuhpa ta chatlaina tao awpa ta, raopa hlânazy, niepa hlânazy nata dopa hlânazy châta a ngiahpazy cha abei ta a pachâ tyh aw. Izarei pathlazy vyuhpa ta chatlaina tao awpa ta, moleina hlânazy, niepa hlânazy, raopa hlânazy nata aryhna hlânazy châta a ngiahpazy cha, abei ta a pachâ tyh aw.

EZEKIA 45:20

Cha thla noh sarina noh liata, tao pathleipa vâta tlyma, pahno leina vâta tlyma, a moleipazy châta chhao, cha hawhta na tao aw. Cha hawhna chata Achhyna o châta chatlaina na tao awpa a châ.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 14:18

Chatawhcha theihthaipa ta a ku liata sathaw laibâhpazy cha a pathaisa awpa luh liata hnia aw ta, Abeipa hmiakô liata chatlaina a taopa aw.

THEIHTHAINA 16:16

Chatanachata Izarei sawzy pathaih leinazy, ama paraonazy nata ama moleina zydua vâta Su Pathaihpa châta chatlaina a tao aw. Cha hawhna chata, ama pathaih leinazy hry liata ama hnohta a ypa ahmaohna poh o châta chhao a tao aw.

THEIHTHAINA 6:30

Su Pathaihpa liata chatlaina tao nawpa ta, ahmaohna poh o liata a thisaih ama vaw cheipa sa, moleina hlâna châta atheihna sa deikua cha, nie awpa châ vei. Mei ta rao awpa a châ.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

MALUHREINA 15:25

Chatawhcha theihthaipa ta Izarei zawpi zydua châta chatlaina tao aw ta, tao pathleipa châ ta, ama tao pathleipa châta Abeipa lâta mei ta hmohlâpa hlâ ei ta, Abeipa hmiakô liata moleina hlâna ama hlâ hapa vâta, a ngiahthaipa ama châ aw.

RAWMA 15:17

Chavâta Khazohpa chakaona rai ei hriana kyh liata, Krista Zisu vâta a palai thei nawpa ei hnei.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

EPHESI 2:16

Kraws zawhzi ta panozy cha pôhpa miakha châpa ta, Khazohpa nata miah paryhsa ta, chatanachata akhakhaina cha a thie haw.

KAOLAOSÂ 1:21

Nâmo chhao eikhano cha, moleinazy taopa ta, Khazohpa nata a maniah ei chi ta, nama palôh ta ano khakhaipazy nama châ.

HEBRAI 10:21

Chatanachata Khazohpa chhôhkhazy chô liata theihthai rônahpa eima hneipa vâta,

HEBRAI 2:11

Pathaisatuhpa nata pathaisapazy cha ama zydua ta mopakha tawhta a puapa ama châ. Chavâta Zisu ta âmo cha unawhzy tah awpa a noza vei.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 2:16

Hmeiseihta la, vâlyuhchâpazy bao leipa ta, Abarahâ pathlazy tlao a bao ei.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 3:2

Mawsi cha Khazohpa chhôhkha zydua hry liata ngâchhihpa a châpa hawhta, Zisu cha ano a raotuhpa liata ngâchhihpa â châ.

HEBRAI 3:5

Hmialâ daihti liata bie rei awpazy pa-i nawpa ta, Mawsi cha Khazohpa o liata chakaotuhpa ngâchhihpa châ ta,

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

HEBRAI 5:1

Theihthai beichaipa cha, chyhsazy vyuhpa ta Khazohpa nata azaona rai hria awpa ta chyhsazy hry tawhta atlyhpa châ ta, moleinazy châta hmopiepa nata atheihnazy hlâ awpa ta raopa a châ.

HEBRAI 5:10

Melkizade theihthaipa châna lâpi a chhih ta, Khazohpa ta ano cha theihthai beichaipa ta a tao haw.

HEBRAI 5:2

Ano chhao chiehleina a hneipa a châpa vâta, pahno leipazy nata lâpi paviapazy cha chado kawpa ta a chhihtha thei ei.

HEBRAI 5:5

Cha hawhna chata Krista chhao ta theihthai beichaipa châ awpa ta anosasyh ta a cheihchalo vei. “Ei Sawchapawpa châ chi ta, Tanoh he na Paw ei châ,” tahpa ta a hnohta a reihtuhpa ta a raopa a châ.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

HEBRAI 8:3

Theihthai beichaipa maih cha hmopiepa nata atheihnazy hlâ awpa ta raopa ama châ. Chavâta he theihthai beichaipa chhao he, khâpa chhâ tlyma hlâ awpa a hnei awpa a byuh.

HEBRAI 9:11

Krista deikua cha, hmo phapa a vaw tlôpazy châta theihthai beichaipa ta â vy nota, achhyna byureih rônah viapa nata paki viapa siepahliepa ta a vy ta, cha cha ku ta sa leipa, he hmotaopazy hry liata a hlao leipa a châ.