HEBRAI 2:16 - Mara Bible RV (BSI)

¹⁶ Hmeiseihta la, vâlyuhchâpazy bao leipa ta, Abarahâ pathlazy tlao a bao ei.

HEBRAI 2:16 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

KALATIA 3:16

Bietaizy cha Abarahâ nata a chipathla hnohta taopa a châ. “Chipathlazy hnohta,” tahpa ta chyhsa hluhpi hnohta bie hraipa châ leipa ta, “Na chipathla hnohta,” tahpa ta mopakha a nuapa ta biehraipa châ ta, cha cha Krista a châ.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

HEBRAI 12:10

Lei liata eima pawzy ta daihti chyuta chhôh, pha ama tahzie hawhta miah chhorei ei ta, Abeipa deikua cha, eima pha nawpa ta tlao miah a chhorei tyh. Chatanachata a pathaihna eimâ hly thei aw.

HEBRAI 2:15

Chatanachata thi riah china sei ta hro chhôh a tâhpa zydua a pachha ha ei.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 6:16

Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.