HEBRAI 13:24 - Mara Bible RV (BSI)

²⁴ Nama hyutuhpa zydua nata mopathaihpa zydua nâ naohpa muh vy. Itali râh tawhta a vypazy ta ama châ naoh.

HEBRAI 13:24 ပူးပေါင်းရင်းမြစ်များ

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 27:1

Itali râh lâ balyh ta eima sie awpa ama pathlu nahta, Pawla nata atâhpa chyhsa thokhazy cha Awkastu py liata pheisaih za kha hyutuhpa Zulia ama tahpa ku liata hlâ ei ta.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

1 KAWRINI 16:16

Cha hawhpa chyhsazy liata a ngiarih awpa ta châ haw ei na ta, eima hrialâhpa zydua nata a hriapasapa zydua liata chhao a ngiarih awpa ta ei châ haw ei.

2 KAWRINI 1:1

Pawla, Khazohpa khozie ta Krista Zisu lyuhchâpa nata eima unawhpa Timawthy ta Kawrini khih liata Khazohpa Awnanopa nata Akai râh liata mopathaihpazy eima châ naoh.

2 KAWRINI 13:13

Mopathaihpa zydua ta ama châ naoh.

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

PHILIPI 4:22

Mopathaihpa zydua ta châ naoh ei ta, Kaisarâ chhôhkha liata a ypazy ta amâ châ naoh pachai.

KAOLAOSÂ 1:2

Kaolaosâ khih liata Krista liata mopathaihpazy nata unawh ngâchhihpazy eima châ naoh. Khazohpa eima Paw tawhta ngiachhiena nata thlalôhna nama hnohta y mawh sy.

PHILEMAW 1:5

Abeipa Zisu nâ ngiapâna nata mopathaihpa zydua kyh na pachâzie zy vaw thei na ta,

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

HEBRAI 13:7

Khazohpa bie châ chhotuhpa nama hyutuhpazy a thei thlâh ha u la, ama hro liata hmo phapazy pachâ u la, amâ ngiapâna hâ a la teh u.