HEBRAI 13:2 - Mara Bible RV (BSI)

² Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

HEBRAI 13:2 ပူးပေါင်းရင်းမြစ်များ

ÂTHAONA 18:1

Abarahâ cha nohchhô a palo lichih ta a poh o chhikao thaby liata â tyuh thlâh ha nota, Abeipa cha Mamre thothih hry liata a hnohta a vaw luah ta.

ÂTHAONA 19:1

Vâlyuhchâpa pano cha zâlâ ta Sawdawmâ khih tlô ei ta. Lawta cha Sawdawmâ khih thokhy chhikao liata a vaw tyuh thlâh ha ta. Lawta ta âmo cha a vaw hmô nahta, dy awpa ta a duah ta, a hmia alei lâ a khupa ta a bôh ta.

2 ABEIZY 4:8

Noh kha cha Elaisâh cha Sunâ lâ khi kei tlyh ta. Cha khih liata chanô hneirôh kawpa pakha y ta, chanô chata Elaisâh cha pati nie awpa ta a haw ta. Cha noh tawhna cha a chapiana maihta, cha liata pati nie awpa ta a ngia tyh ta.

ZAWBÂ 31:19

Chysia hnei lei vâta athipa hmôpa ta, Phahlapa sasaihpa ta a ypa hmô aw sah la;

ZAWBÂ 31:32

Khitlyhpa châta ei ochhi ei pahypa vâta, Sievawhpa khiliah liata a rie beih vei.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

MATHAI 25:35

Ei nodi ta, nie awpa na pie ei chi ta; ei dâhphi ta, do awpa na pie ei chi ta; khichhaipa châ na ta, na patlôsa ei chi ta;

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:43

khichhaipa châ na ta, na patlôsa leipa ei chi ta; thluahruapa ta y na ta, chysia na pie leipa ei chi ta; tlâh leipa nata patâhna o liata ei y nota, na tly veih ei chi,’ a tah aw ei.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

TITU 1:8

Khichhai a pasôpa, phana a khohpa, a sohsi theipa, chyhsa siapa, chyhsa pathaihpa, sasyh a vao pahniepa a châ awpa a châ.

1 PITY 4:9

A pasô raihrie u la, paphôh khuh vy.

3 ZAWHÂNA 1:5

Kho ngaitapa y, unawhzy kha na châta hmia pahno leipa châ hra ei sala, ngâchhih ngaitapa ta ama chô liata hmo vaw tao chi ta,