HEBRAI 13:15 - Mara Bible RV (BSI)

¹⁵ Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

HEBRAI 13:15 ပူးပေါင်းရင်းမြစ်များ

2 THÂTIHZYRONA 29:31

Hezekia ta, “Tahmâ cha Abeipa châta a pathai ha ei chi ta, a vaw hnia u la, Abeipa o lâta atheihnazy nata alyna bie reina hmohlâpazy vaw hlâ teh u,” tah ta. Zawpizy ta atheihnazy nata alyna bie reina hmohlâpazy vaw cheih ei ta, palôh khona a hneipa maihta raopa hlânazy vaw cheih hra ei ta.

2 THÂTIHZYRONA 33:16

Abeipa maisâh paduapathi ta, aryhna hlâna atheihnazy nata alyna bie reinazy hlâ ta, Zudâh cha Abeipa Izarei Khazohpa chakao awpa ta biepie ta.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

NEHEMIAH 12:40

Lyna hla hlâtuhpa hlapy py nozy cha Khazohpa o liata a duah ei ta, kei nata ryureituhpa khophie chhao a duah hra pi ta.

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

HLAZY 118:19

Siana chhikaozy na pahypa teh u, Cha lâ tawhta a ngia aw na ta, Abeipa lâ alyna bie ei reih aw.

HLAZY 119:108

Hy Abeipa, ei châ haw na, Lôhthai ta reithaina ei chaw hlâpazy he a pyh la, Na ryhpazy na pachu mah y.

HLAZY 18:49

Cha vâna chata Hy Abeipa, Phopizy hry liata cha reithai aw na ta, Na moh reithaina hla ei sa aw.

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 33:18

Livai chizy chhao ei mohmô liata raopa hlânazy a hlâ awpa, niepa hlânazy a rao awpa nata atheihnazy a hlâ lymâ awpa theihthaipa a phahla aw veih ei.”

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

THEIHTHAINA 7:12

Alyna biereina châta a hlâ khiahta cha, thinô pahlao leipa ta sathaw pahlaopa viahchhâ pakâhpazy, sathaw hniapa thinô pahlao leipa viahchhâ apapazy nata viahdie dipa ta taopa sathaw ta nyhpa viahchhâ pakâhpazy cha, atheihna hlâna sa a hlâna liata a hlâ pâ awpa a châ.

MALUHREINA 7:62

ropahâhpa ta pabiepa ngôh phiahthla sekel miahrawh a hripa miakha;

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

LUKA 10:21

Cha dawh liata Zisu cha Thlahpa Pathaihpa liata a ly ngaita ta, “Hy ei Paw, alei nata avâ Beipa, ei châ ly ngaita na. He hmozy he chyhsa sopa nata novâhpazy liata nyu chi ta, hawtizy hnohta tlao na phualuah. A châ na, ei Paw, cha hawhta tao awpa cha, nâ lyna châ tlôh ta.

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

KAOLAOSÂ 1:12

Chatanachata khaihna khinarâh liata mopathaihpazy ryutolâhpa châ awpa ta châ patlohsatuhpa Paw hnohta alyna bie nama reih thei aw.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.