HEBRAI 13:12 - Mara Bible RV (BSI)

¹² Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

HEBRAI 13:12 ပူးပေါင်းရင်းမြစ်များ

THEIHTHAINA 24:23

Cha hawhna chata Mawsi ta Izarei sawzy cha chho ta, chhiesatuhpa cha riehmo khôtho lâ a chhi ei ta, Mawsi hnohta Abeipa biepiepa hawhta Izarei sawzy ta tao ei ta, alô ta ama vawhsao haw.

MALUHREINA 15:36

Abeipa ta Mawsi bie a piepa hawhta, zawpi zydua ta ano cha riehmo khôtho lâ a chhi ei ta, alô ta ama vawhsao haw.

LUKA 4:29

Thyu ei ta, khih tawhta papua ei ta, ama khih lôkâh khua liata chati pathlah awpa ta a chhi ei ta.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

ZAWHÂNA 19:34

Pheisaih pakha ta a kâ liata asei ta a chô ta, thisaih nata ti thlai vaw pua ta.

HMOTAOPAZY 7:58

Khihpi khôtho lâ papua ei ta, alô ta vawh ei ta. Bie pahnotuhpazy ta satlia pakha, Sawla ama tahpa phei thaby liata ama pohzy soh ei ta.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

HEBRAI 10:10

Cha hmochhuahpa hawhna chata, chhâzaw châta ei kha hlâpa Zisu Krista pôhpa ta pathaisapa ta eima y haw.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 2:11

Pathaisatuhpa nata pathaisapazy cha ama zydua ta mopakha tawhta a puapa ama châ. Chavâta Zisu ta âmo cha unawhzy tah awpa a noza vei.

ZAWSUA 7:24

Zawsua nata Izarei saw zydua ta Zerâ sawchapawpa Âkhâ cha tâkâ, poh, ngôh tlo, a sawchapawzy, a sawchanôzy, a viahchaozy, a alâzy, a mietakuzy, a poh o nata a hneipa zydua chhaota a chhipa ta, Akhôrâ Saikao lâ khykhei ei ta.

BIEPHUAH 14:20

Khihpi khôtho lâta kre saohna khaoh liata kre cha tlypa ta saoh ei ta, kre saohna khaoh tawhna chata thisaih vaw pua ta, thisaih cha arâ chhâri taih a thu ta, lyu 1,600 a seih.