HEBRAI 12:25 - Mara Bible RV (BSI)

²⁵ Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 12:25 ပူးပေါင်းရင်းမြစ်များ

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

PUASAINA 16:29

Pachâ teh u, Abeipa ta Pahânoh cha pie ei ta, chavâta noh charuna noh ta, noh no a khi awpa viahchhâ a cha pie ei. Chyhsa to âmo su chyu liata y khai mawh ei sy. Noh sarina noh cha ahy hmahta a yna su tawhta khô pua cheita khah sy,” tah ta.

PUASAINA 20:22

Abeipa ta Mawsi hnohta, “Izarei sawzy hnohta hetana heta reih teh: ‘Vârâh tawhta bie ei cha zâ chhopa ei kha, nâmo tlai ta nama hmô haw.

BIESOZY 1:24

Cha aw ei na ta, Khoh leipa ei chi ta; Ei ku pazawh na ta, Ahy hmahta uasa leipa ei chi ta;

BIESOZY 1:32

Sona a phahlapazy cha lâpi ama tleisaina ta âmo cha thie tyh ta, Ahrupazy chhao âmo hruna ta a pahleipadia tyh ei.

BIESOZY 13:18

Pachuna a khoh leipa cha dyhchhiena nata nohzaona ta tlô thlu aw ta, Rana a pyhpa deikua cha palyupalihpa a châ tyh.

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 8:33

Pachuna nathliepa ta so u la, Dytha khuh vy.

ISAI 48:6

Thei ha ei chi ta, Cha zydua cha tahmâ moh teh u. Phuah aw veih ei chi ma? Tahmâ tawhta cha, Hmo thiehpazy cha pahnosa aw ei na ta, Hmo â nyupa nama pahno beih leipazy Ei cha pahnosa aw ei.

ISAI 64:9

Hy Abeipa y, hiehâh ngaitapa ta y leipa la, Eima moleinazy cha, Chhâzaw ta a thei thlâh ha khah y. Ngiachhiepa ta miah moh tua, Eima zydua ta na chyhsa sai eima châ hih.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

ZEKARIA 7:11

Châhrasala nathlie khoh leipa ei ta, chhorupa ta hnôhchhy ei ta, ama thei lei nawpa ta ama nah a chahu ei ta.

MALUHREINA 32:15

Abeipa pazina tawhta nama tleisai khiahta cha, Abeipa ta zawpizy he râhchawhpa liata siesai heih aw ta, he chyhsa zydua he nâmo ta nama pahleipadia khaipa a châ aw,” tah ta.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

HMOTAOPAZY 7:35

“Kha Mawsi, ‘Hyutuhpa nata ryureituhpa ta ahy ma châ tao?’ tahpa ta ama dythapa kha, thobuh liata a hnohta a luahpa vâlyuhchâpa ku hmâpa ta, Khazohpa ta hyutuhpa nata pachhatuhpa châta vaw tuah ta.

RYHPACHANEINA 18:19

Hrohsopa ta ei moh ta ei bie a reipazy a thei khoh leipa cha, kei tlai ta ei pachia aw.

RYHPACHANEINA 30:17

Nama pathipalôh a hro lâ a heih sala, a bie nathlie leipa ta, lâpi pavia u la, khazoh hropazy a chhypa ta nama chakao khiahta deikua cha,

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

2 TIMAWTHY 4:4

Ama nahzy cha biehmeiseihpa lâ pahei leipa aw ei ta, phôhpazy lâ ama pahei aw.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 12:19

chiahmie tôpa pyu nata a bie reipa ao vâta, a theituhpazy ta ama hnohta bie hropa rai rei khao lei awpa ta amâ hawna tlâh lâ a vypa châ veih ei chi.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 3:17

Kô sypalih chhôh a hie a pahâhpazy kha ahyzy ma ama châ? Moleina hmo a taopa, râhchawhpa liata ama ri a zawhpazy kha châ veih ei ma?

HEBRAI 8:5

Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

ZAWSUA 22:15

Rubena pathlazy, Kâdâ pathlazy nata Manase chi khophiezy yna Kilia râh lâ cha sie ei ta, ama hnohta,

ZAWSUA 22:16

“Abeipa phopi manôh zydua ta hetana heta ama tah, ‘Khazia Izarei Khazohpa chô liata hmo nama parao? Tanoh he Abeipa nama pazina tawhta tleisai a chhuahpa ta maisâh a tao ei chi ta, tanoh he Abeipa namâ dyuh hih.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.

BIEPHUAH 22:9

Châhrasala ano ta ei hnohta, “Khata tao khah y! Kei cha nâ nata na unawhpa hrohsopazy nata he châbu biezy a pyhtuhpazy chakaolâhpa mah ei châ tâh. Khazohpa tlao a chhy teh,” na tah ta.