HEBRAI 12:24 - Mara Bible RV (BSI)

²⁴ Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 12:24 ပူးပေါင်းရင်းမြစ်များ

ÂTHAONA 4:10

Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

PUASAINA 24:8

Mawsi ta thisaih la ta, zawpizy chô liata thia ta, ama hnohta, “Moh teh u, he he biehrai thisaih a châ. Abeipa ta he bie zydua hmâpa ta nama hnohta bie a hraih haw,” tah ta.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

THEIHTHAINA 1:5

Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MÂKA 14:24

Zisu ta ama hnohta, “He he ei thisaih, chyhsa hluhpi châta a lohpa biehrai thiehpa a châ.

LUKA 11:51

Maisâh nata supathaihpa likawh ta a thipa Abela thisaih tawhta Zekaria thisaih taihta, hrohsopazy thisaih maoh zydua ama phaoh aw. Hmeiseihta ta ei cha chho ei, he chhâ heta hrohsopazy thisaih maoh cha ama phaoh tlai aw.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

KALATIA 3:20

Lyuhchâpa a y khiahta cha, py kha vyuhpa dei ta lyuhchâna rai hria beih vei. Khazohpa deikua cha pakha a châ.

1 TIMAWTHY 2:5

Khazohpa cha pakha deita y ta, Khazohpa nata chyhsazy likah liata lyuhchâpa pakha deita a y. Ano cha chyhsapa ta a pihpa Krista Zisu a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 11:28

Sawchapaw uhtheipa pahleipadiatuhpa ta Izarei sawchapaw uhtheipazy a hria lei nawpa ta, ngiapâna ta Zawpakhô chay ta, thisaih a thia.

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 7:22

Cha bietai vâna chata Zisu cha biehrai pha viapa pa-ituhpa a vaw châ haw.

HEBRAI 8:13

Biehrai thiehpa thâtih a reipa liata, a hmiatuapa cha a parohpa ta tao ta, paroh lymâ ta, a vaw machâ hapa cha, a lei patoh awpa a châ.

HEBRAI 8:6

Tahmâ deikua, Krista cha biehrai pha viapa lyuhchâpa a châpa hawhta, chakaona rai pha via syulyupa to ha ta, cha biehrai cha bietai pha viapazy chô liata taopa a châ.

HEBRAI 8:8

Sei nawpa ama hneipazy Khazohpa ta hmô ta, hetana heta a tah: “Pachâ teh u, Nohzy a vaw tlô hai, Abeipa ta a tah. Cha nohzy liata, Izarei phopi hnohta biehrai thiehpa tao aw na ta, Zudâh phopi hnohta chhao ei tao aw.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

HEBRAI 9:19

Mawsi ta ryhpa biepiepa to zawpi zydua hnohta a phuah nona kha, viahchaotaw thisaih, mie thisaih, ti, sahmi pala saihdôhpa nata hisaw zy la ta, ryhpa châbu nata zawpi zydua thia ta,

HEBRAI 9:21

Cha hawhna chata achhyna byureih nata chakaona hmobaoh zydua chhao thisaih ta a thia khai.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.