HEBRAI 12:19 - Mara Bible RV (BSI)

¹⁹ chiahmie tôpa pyu nata a bie reipa ao vâta, a theituhpazy ta ama hnohta bie hropa rai rei khao lei awpa ta amâ hawna tlâh lâ a vypa châ veih ei chi.

HEBRAI 12:19 ပူးပေါင်းရင်းမြစ်များ

PUASAINA 20:22

Abeipa ta Mawsi hnohta, “Izarei sawzy hnohta hetana heta reih teh: ‘Vârâh tawhta bie ei cha zâ chhopa ei kha, nâmo tlai ta nama hmô haw.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

1 KAWRINI 15:52

Chiahmie hnôhchaipa a paro tita, sôkha ta, movi hlâta pananopa ta eima y khai aw. Cha tita, athihpazy cha thi khao lei awpa ta pathyupa châ aw ei ta, keimo chhao pananopa ta eima y ha aw.

RYHPACHANEINA 18:16

Hôribâ liata ahmaohpakhy noh ta, nâmo tlai ta, ‘Abeipa eima Khazohpa ao cha keimo ta thei khao leipa aw pi ta, mei ru ngaitapa chhao he hmô khao leipa ta eima y aw, chataleipatala eima thi pathlei aw,’ tah ei chi ta, Abeipa nama Khazohpa lâta nama khozie namâ hawpa hawhna khata, keima hawhpa hrohsopa a cha paduapa aw ei.

RYHPACHANEINA 4:11

A vaw hnia ei chi ta, tlâh thaby liata a vaw duah ei chi ta, tlâh cha mei ta kâ ta, a meipaleih avâ liahmari taih tlô ta. Meihdo vyhpa nata zoh kaluhpa ta tlâh cha pahly ta.

RYHPACHANEINA 4:12

Abeipa ta mei tawhta nama hnohta bie vaw reih ta, a bie reipa ao thei ei chi ta, châhrasala a pôhpa hmô veih ei chi. A ao deita nama thei.

RYHPACHANEINA 4:33

Mei hry tawhta bie a reihpa Khazohpa ao thei ei chi ta, nama hroh thlâh hapa hawhna heta, Khazohpa ao thei ta a hroh thlâh hapa phopi hropa ama y ma?

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!