HEBRAI 12:15 - Mara Bible RV (BSI)

¹⁵ Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 12:15 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

PUASAINA 32:21

Mawsi ta Arawna hnohta, “He phopi heta na chô liata khâpa ma tao ei ta, he hawhpa hmo molei ngaitapa he ama chô liata na patlôsa?” tah ta.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

ISAI 5:4

Ei tao hapazy hleikhô ta, Ei kre sadô châta tao via awpa a y khao ma? Kre thei phapa pathei awpa ei mokhâh hai nota, Khazia ma kre sihpa a pathei thlâh ha tly i?

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ZEREMIAH 2:21

Chatanachôta kre zôh phapa hawhta cha loh na ta, Chi patapa hawhta ei cha loh. Kheihtazieta ma na chi patana padâh laih ta, Lyurâhpa kre zôh lâta nâ lie ha tly?

LUKA 22:32

Châhrasala nâ ngiapâna a lei lei nawpa ta thlah ei cha chhâpa. Na vaw kua heih tita, na unawhzy thapatlô mah y,” tah ta.

1 KAWRINI 10:12

Chavâta â duahpa ta â pachâpa cha a chado mawh sy, chataleipatala a pao pathlei aw na.

1 KAWRINI 13:8

Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

2 KAWRINI 13:5

Ngiapâna liata nama y ma tahpa nâmosasyh ta a mohpasia u la, nâmosasyh ta a pasia teh u. Zisu Krista cha nâmo liata a y tahpa nâmo tlai ta pahno veih ei chi mâ? Pasiana liata a tloh leipa nama châ vei khiahta cha, nâmo ta nama pahno aw.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KALATIA 2:13

Zu chyhsa hropazy chhao ta ano hâ a lapa ta, phapakheipa ta y hra ei ta, Bânabâ chhao tlai cha ama phapakheina ta a paviasa haw.

KALATIA 5:4

Nâmo, ryhpa ta thaichâ a chhuahpazy saih u, Krista nata a chhaih ha ei chi ta, ngiachhiena nama paosai haw.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

RYHPACHANEINA 32:32

“Ama kre zôh cha Sawdawmâ kre zôh tawhta a vy ta, Kawmawrâ lyuzy tawhta a vypa a châ; Ama kre theizy cha châmaih theizy châ ei ta, Ama kre saozy chhao kre sao khapazy a châ.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

ZAWSUA 6:18

Pahleipadia awpa hmo kheihawhpa hmah namâ la awpa châ vei. Pahleipadia awpa hmozy namâ la khiahta cha, nâmosasyh ta nama chô liata chhiesana patlôsa aw ei chi ta, Izarei riehmo chhiesapa ta tao aw ei chi ta, nôpopa ta nama soh pathlei aw.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.