HEBRAI 12:1 - Mara Bible RV (BSI)

¹ Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 12:1 ပူးပေါင်းရင်းမြစ်များ

ZAWBÂ 8:10

Chazy cha cha pachu veih ei ma, Cha chho beih veih ei ma, Ama pahnopa biezy reih veih ei ma?

HLAZY 18:23

A hmiakô liata seina hnei leipa na ta, Thaileichâna tawhta keimasasyh ta ei pabohsa.

ISAI 60:8

Meihdo hawhta a zaw ei ta, Vachhuh hawhta ama bu lâ a pangaipazy he, Ahyzy ma ama châ tly?

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 38:9

Hmia lâ tôh aw chi ta, chothyu hawhta na tlô thlu aw. Nâ nata na pheisaih zydua nata na hnohta phopi hluhpi cha, meihdo ta râh a pahlypa nama lyu aw.

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 24:13

Achhâna taihta a tao hualuapa cha pachhapa ta a y aw.

MÂKA 10:50

Mochaopa cha a poh thypa ta, a kaw zaw ta, Zisu lâ thlai pangai ta.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 16:28

Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

ZAWHÂNA 3:32

A hmôpa nata a theipazy a pahnopa châ ta, châhrasala ahy hmahta a bie pahnopa cha a pyh veih ei.

ZAWHÂNA 4:39

Chanô ta, “Ei hmotaopa zydua eina chho lymâ,” tahpa ta a reipa vâta, cha khih liata a ypa Samâri chyhsa hluhpi ta Zisu cha a ngiapâ ei ta.

ZAWHÂNA 4:44

Zisu ano tlai ta hrohsopa cha ano khih liata palyupalihpa ta y vei tahpa ta a vaw rei hapa a châ.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

KALATIA 5:7

Arâpasuana liata namâ râ pha tyh thlâ bao na ta, biehmeiseihpa zyh lei awpa ta, ahyzy ma châ pakhâ ha ei tly?

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

PHILIPI 1:30

Keima liata adyuhna nama hmô tyhpa, tahmâ chhao ei tyh haipa nama theipa, cha adyuhna tlai cha nâmo chhao namâ tyh hra hih.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

2 TIMAWTHY 2:4

Pheisaih ahy hmahta a dyuh nota hrochhôh khihsana a tymâkhei beih leipa ta, pheisaih châ awpa ta a tlyhtuhpa palysa tlao â chhuah.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

ZÂMIE 1:3

Namâ ngiapâna pasiana ta tiamana a tao tahpa nama pahno.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.