HEBRAI 11:9 - Mara Bible RV (BSI)

⁹ Ngiapâna ta bietai râh liata pahrâ awpa ta sie ta, chihropa râh liata ypa hawhta y ta, bietai miakha ryutolâhpa Aisika nata Zakaw zy chhaota poh ozy liata ama pahrâ.

HEBRAI 11:9 ပူးပေါင်းရင်းမြစ်များ

ÂTHAONA 12:8

Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.

ÂTHAONA 13:18

Chatanachata Abarâ cha a poh o pasie ta, Hebraw liata Mâmre tho thih liata yna su paryh ta, cha liata Abeipa châta maisâh tao ta.

ÂTHAONA 13:3

Neke tawhta sie ta, Bethel tlô ta, cha su cha hmia lâta Bethel nata Ai khih likawh ta poh o a raina su,

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 18:6

Abarahâ cha poh o chhôh lâ thlai a ngia ta, Sârâ hnohta, “Viahdie dipa saikhua hmo thôh li la, neih la, viahchhâzy vaw tao para teh,” tah ta.

ÂTHAONA 18:9

Âmo ta a hnohta, “Na lapinô Sârâ khataih liata a y?” tah ei ta. Ano ta, “Poh o chhôh liata a y,” tah ta.

ÂTHAONA 21:34

Chatanachata Abarahâ cha Philistinâ râh liata bohpi y ta.

ÂTHAONA 23:4

“Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

ÂTHAONA 25:27

Hawtizy cha vaw laiseih ei ta, Esaw cha sakathaipa, râh a khiepa chyhsa châ ta, Zakaw cha chyhsa reih hluh leipa, poh o liata a pahrâpa a châ.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 31:25

Lâbâ ta Zakaw cha kei pha ta. Zakaw cha tlâh râh liata a poh o vaw parai ta. Lâbâ nata a chiheihzy chhao Kilia tlâh liata poh o parai hra ei ta.

ÂTHAONA 35:27

Zakaw cha Kiriathâbâ kiapâh Mamre khih liata a ypa a paw Aisika kô kei tlô ta. Cha khih cha Hebraw tahpa châ hra ta, Abarahâ nata Aisika zy pahrâna khih a châ.

ÂTHAONA 36:7

Ama hmo hneipazy hluh ngaita ta, pahrâna râh ta ama pano sahrohzy tlaih nawpa ta â daih leipa vâta, hmaohkha ta a y khoh thei awpa châ khao leipa ei ta.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

HLAZY 105:12

Maluh chyhta dei châ ei ta, Rei khi chhao a tloh leipa, Khichhaipa dei ama châ nona kha,

ZEREMIAH 35:7

O namâ sa awpa châ leipa ta, chi chhao nama chei awpa châ hra leipa ta, kre sadôzy taopa ta nama hnei awpa châ vei. Nama pahrâna râh liata nama hro a pareih thei nawpa ta, nama hro chhôh zydua poh o liata nama y awpa a châ,’ tahpa ta bie miah pie ha ta.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.