HEBRAI 11:8 - Mara Bible RV (BSI)

⁸ Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.

HEBRAI 11:8 ပူးပေါင်းရင်းမြစ်များ

ÂTHAONA 11:31

Terâ cha a sawchapawpa Abarâ, a samohpa Lawta, Harânâ sawchapawpa nata a myuhnô Sârai nata a sawchapawpa Abarâ lapinô zy a chhi ta, Kaldia râh Ur khihpi tawhta Kâna râh lâ sie awpa ta hmaohkha ta ama pua. Châhrasala Harânâ khihpi ama tlô nahta, cha liata pahrâ ei ta.

ÂTHAONA 12:5

Abarâ cha a lapinô Sârai, a nawhta sawchapawpa Lawta, a hneipa zydua nata Harânâ khih liata chyhsa a hneipa zydua a chhi ta, Kâna râh pangaipa ta sie ei ta. Kâna râh ama tlô nahta,

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 20:13

Khazohpa ta ei paw o tawhta eina paviavisa nona khata, a hnohta, ‘Hetana heta ei chôta na kyhpachâna na palâsa aw. Eima tlôna su lia maihta, “Ei rilâhpa na a châ,” eina tah lymâ aw chi,’ tahpa ta ei vaw chho hapa tlai a châ,” tah ta.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

EZEKIA 36:24

Phopizy hry tawhta cha lapa ta, râh to tawhta cha pakhy aw ei na ta, nama râh lâ tlai ei châ chhi aw ei.

MALUHREINA 10:30

Hôbâ ta Mawsi hnohta, “Vaw sie aw va na, ei râh nata ei chiheihzy lâ tlao ei lie aw,” tah ta.

MATHAI 2:21

Chatanachata Zawsi cha thyu ta, hawti nata a nô a chhi ta, Izarei râh lâ sie ta.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 10:16

Isai ta, “Abeipa, eima bie reipa ahy ma a ngiapâ?” a tahpa hawhta, thâtihpha cha ama zydua ta zyh khai veih ei.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

ZAWSUA 24:3

Nâmo châ pathlatuhpa Abarahâ kha Chavah khô lâ tawhta a vaw chhi na ta, Kâna râh chhôh zydua ei chhihtha. A chipathla papôh na ta, Aisika kha ei pie.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 3:1

Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?