HEBRAI 11:37 - Mara Bible RV (BSI)

³⁷ Alô ta vawhpa châ ei ta, thoâna ta taipachhôpa châ ei ta, reipasaona a tyh ei ta, zaozi ta chhawhsaopa ama châ. Mietaku vo nata mie vo zy a bupa ta viavi ei ta, dyhchhiena, pasataona nata â doleipa ta ama chô liata hmotaopazy amâ tyh.

HEBRAI 11:37 ပူးပေါင်းရင်းမြစ်များ

2 SAMUELA 12:31

Râbâ khihsawzy cha puakhei ta, thoânazy, leipaliena thua pazaopazy nata ahreizy hmâpa raihriatuhpazy ta âmo cha hmâh ta, leiraopa taonazy liata rai pahriasa ta. Cha hawhna chata Amawna khihpi zydua cha tao ta. Cha khai tawhta Dâvi nata pheisaih zydua cha Zerusale lâ a lie ha ei ta.

1 ABEIZY 18:13

Zezebel ta Abeipa hrohsopazy a thie nota ei hmotaopa, Abeipa hrohsopazy hry liata chyhsa za kha, sypangawh sypangawh ta, lôpu liata nyu ei na ta, viahchhâ nata ti ta ei pasazie zy ei kha, ei zibeipa hnohta cha chho veih ei tlyma?

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:1

Ahabâ ta Elaizâh hmotaopa zydua nata zaozi ta hrohsopa zydua a thie hapa thâtihzy cha Zezebel chho ta.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:13

Elaizâh ta cha cha a thei nahta, a viahkao pasipa ta a hmia a khu ta, kei pua ta, lôpu paka liata a kei duah ta. Ao vaw pua ta, a hnohta, “He liata khâpa na tao, Elaizâh?” tah ta,

1 ABEIZY 19:14

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:19

Elaizâh cha cha su tawhta sie ta, Saphâta sawchapawpa Elaisâh cha kei hmô ta. Elaisâh cha viahchao tôhpa bao hrawh hleino ta alei vaw palie ngâ kaw ta. A bao hrawh hleinona cha ano ta haoh ta. Elaizâh ta kei pangai ta, a viahkao pasipa thy thlu ta.

1 ABEIZY 21:10

Ano dady ta chyhsa dyutlai leipa pano patyusa aw ei chi ta, ‘Khazohpa nata abei chô liata chhie na sa’, tahpa ta ama vaw leih aw. Chatawhcha puakhei aw ei chi ta, alô ta nama vawhsao aw,” tah ta.

2 ABEIZY 1:8

Âmo ta a chhy ei ta, “Sahmi chysia a tobi ta, a chai liata savo chaisaihna â saih,” tah ei ta. Abei ta, “Tisabi chyhsa Elaizâh a châ chuh,” tah ta.

2 ABEIZY 2:13

Elaizâh viahkao pasipa a zâ tlapa cha chaba ta, kua ta, Zawdâh kiah liata a kei duah ta.

2 ABEIZY 2:8

Elaizâh ta a viahkao pasipa la ta, â tôh lâta chaty ta, ti cha tu ta, chavei chachâh ta a vaw pachhaih ta, ama pano ta alei hipa liata chaka ha ei ta.

1 THÂTIHZYRONA 20:3

Râbâ khihsawzy cha puakhei ta, thoânazy, leipaliena thua pazaopazy nata ahreizy hmâpa ta raihriatuhpazy ta âmo cha hmâh ta. Cha hawhna chata Dâvi ta Amawna khihpi zydua cha tao ta. Cha khai tawhta Dâvi nata pheisaih zydua cha Zerusale lâ a lie ha ei ta.

2 THÂTIHZYRONA 24:21

Châhrasala ano cha tlao tei ei ta, Bei Zôasâ biepiepa ta, Abeipa o dôhpachhôh tlyhmia liata alô ta vawhsao ha ei ta.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 26:23

Chatanachata Uria cha Izi râh lâ za lapa ta, Bei Zehôki lâ a vaw chhi ei ta. Bei Zehôki ta Uria cha zaozi ta thie ta, vâtlâh thlâ su a ri ama thy hapa kha a châ.

ZEKARIA 13:4

Cha noh liata cha, hrohsopa ta ano aluahna hmôpa nata ano cheingei ta chhochhieliena bie a reipazy cha zakhei aw ta, hrohsopa sahmi viahkao pasipa chhao, chyhsa dôvei nawpa ta a ky khao aw vei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MATHAI 21:35

Thlyuhlaotuhpazy ta a chakaotuhpazy cha vaw patu ei ta, pakha tu ei ta, pakha thie ei ta, pakha alô ta vawh ei ta.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

HEBRAI 11:25

Bohpi leipa chhôh molei phasana liata lôhrâ a patlôpa hlâta cha, Khazohpa chyhsazy hnohta taolana tao awpa tlao a tlyh ta.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.