HEBRAI 11:35 - Mara Bible RV (BSI)

³⁵ Chanôzy ta ama chyhsa athipa thyuheihpazy hmô ei ta. Thokhazy cha taolapa ta y hra ei sala, hro pha viapa lâta ama thyuheih thei nawpa ta, pua awpa khoh hlei veih ei.

HEBRAI 11:35 ပူးပေါင်းရင်းမြစ်များ

MATHAI 22:30

Thyuheihna liata cha, nôvah ahneina y aw vei, vârâh liata vâlyuhchâpazy hawhta ama y khai aw.

MÂKA 12:25

Athihpa hry tawhta ama thyuheih tita la, nôvah ahneina y khao aw vei. Vârâh liata vâlyuhchâpazy hawhta tlao ama châ ha aw.

LUKA 14:14

Âmo cha châ thô thei awpa ama châ leipa vâta, byhnâ to aw chi ta, chyhsa dopazy thyuheihna liata thôpa na châ aw,” tah ta.

LUKA 20:36

Thi thei khao aw veih ei. Thyuheihna sawzy ama châpa vâta, Khazohpa sawzy châ ei ta, vâlyuhchâpazy hawhta ama châ haw.

ZAWHÂNA 5:29

ama kaw thyu khai aw. Hmopha a taopazy cha hrona to awpa ta thyu aw ei ta, moleina hmo a taopazy deikua cha, thailei châ awpa ta ama thyu aw.

HMOTAOPAZY 22:29

Bie hiahri pasia a chhuahpazy ta Pawla cha thlai a sysai ei ta, pheisaih hyutuhpa chhao ta Rawma chyhsa a châpa a pahno nahta, Rawma chyhsa a chahry hapa cha chi kaw ta.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

1 KAWRINI 15:54

Thu theipa cha thu thei leipa ta a tobipa ta, thi theipa cha thi thei leipa ta â tobi tita, “Thina cha pahniena ta a palâ haw.

PHILIPI 3:11

athihpa hry tawhta thyuheihna cha, ano hawhta ei to tlai hra aw.