HEBRAI 11:34 - Mara Bible RV (BSI)

³⁴ Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

HEBRAI 11:34 ပူးပေါင်းရင်းမြစ်များ

1 ABEIZY 19:1

Ahabâ ta Elaizâh hmotaopa zydua nata zaozi ta hrohsopa zydua a thie hapa thâtihzy cha Zezebel chho ta.

1 ABEIZY 19:3

Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

2 ABEIZY 6:1

Hrohsopa sahlao sawchapawzy ta Elaisâh hnohta, “Moh tua, na kiapâh liata eimâ tyu tyhna su he eima châta a chyh tu haw.

2 ABEIZY 6:32

Elaisâh cha a o liata a tyuh thlâh ha ta, machâzy a hnohta a tyuh ei ta. Abei ta a hmia lâta chyhsa pakha tuah ta. Châhrasala lyuhchâpa a kei tlô hlâta Elaisâh ta machâzy hnohta, “Lianycheituhpa ta ei luh la awpa ta chyhsa a vaw tuapa hao nama hmô ma? Lyuhchâpa a vaw tlôpa nahta ochhi khaw khâh u la, ochhi liata khâchâ pakhâ ha muh vy. A zibeipa phei pyu ta a vaw pazi pâ haw,” tah ta.

ZAWBÂ 42:10

Zawbâ cha a viasazy châta thlah a chhâ khai nahta, Abeipa ta Zawbâ cha a hneirôna vaohei heih ta. Abeipa ta Zawbâ cha kha hlâta a hneipa hlâta a lie no ta pie ta.

ZAWBÂ 5:20

Chakâh nota thina tawhta cha pachha aw ta, Adyuhna liata zaozi hmotaotheina tawhta a cha pachha aw.

HLAZY 124:7

Khoheih chôhtuhpa khoheih tawhta pavaw a puapa hawhta, Keimo chhao pua pi ta; Khoheih rao ta, Eima pua haw.

HLAZY 144:10

Nâ cha beizy pahniena a pietuhpa châ chi ta, Zaozi thatlôpa tawhta châ chakaotuhpa Dâvi a pachhatuhpa na châ.

HLAZY 6:8

Nâmo moleina hmo a taotuhpa zydua saih u, Na siesai teh u, Abeipa ta ei chana ao thei ha tlôh ta.

HLAZY 66:12

Eima luh chô liata chyhsazy pakiasa chi ta, Mei nata ti sie pahlie pi ta, Chatanachôta ativyna su lâ miah nâ chhi papua.

PUASAINA 18:4

ahropa cha, “Nâ pathlatuhpa Khazohpa cha nâ baotuhpa a châ, Phiraoh zaozi tawhta eina pachha haw,” tah ta, a moh Elieze a bipa kha a châ.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ZEREMIAH 26:24

Zeremiah deikua cha, Sâphâ sawchapaw­pa Ahikâ ta thie lei awpa ta a ku pazawh ha ta, chavâta thie awpa ta zawpi lâ hlâpa châ vei.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

1 PITY 4:12

Kho ngaitapa saih u, pasiana ru ngaitapa a tyhpa ta pasa nama tao tita, nama chô liata hmo a tlôpa cha noâh tah khuh vy.

RYUREITUHPAZY 15:8

Âmo cha a dyuh ta, ama byh nata ama pheizy chhawhpa ta thata thie ta, zu ta Etamâ lôpu liata y ta.

1 SAMUELA 18:11

Sawla ta, “Dâvi he pâhchhô liata ei chakhao pâ ha tua aw” tah ta, asei ta kei chakhao ta. Châhrasala Dâvi ta ei no po â kâ sai hmâ haw.

1 SAMUELA 19:10

Sawla ta Dâvi cha asei ta pâhchhô liata chakhao pâ a chhuah ta, châhrasala Dâvi ta Sawla cha a kâsai hmâ ha ta, asei cha pâhchhô liata a chaloh thlâh ha ta. Dâvi cha a râ ta, cha zâ cha â boh haw.

1 SAMUELA 20:1

Dâvi cha Râmâ liata Naiô khihpi tawhta a râ ta, Zawnathâ yna lâ pangai ta, a hnohta, “Khâpa ma ei tao ha tly? Khâpa ma ei thaileina tly? Na paw hmiakô liata khâpa moleina tao ha na ta ma, ei hrona he la awpa ta he hawhta eina tei ngâ thlâh ha tly?” tah ta.