HEBRAI 11:19 - Mara Bible RV (BSI)

¹⁹ Khazohpa cha athihpa chhao a pathyu thei tahpa a ngiapâ ta, Aisika cha a hmô pakhua haw. A hlâ hapa vâta Aisika cha a thi hapa hawhta pachâpa a châ.

HEBRAI 11:19 ပူးပေါင်းရင်းမြစ်များ

ÂTHAONA 22:13

Abarahâ cha kaw ua ta, mohmia pasaih ta, mietaku tôhpa pô kha chhohbuh liata a ki a taw hapa a hnôhky liata vaw y thlâh ha ta. Abarahâ cha vawh ta, mietaku tôhpa cha patu ta, a sawchapawpa vyuhpa ta raopa hlâna ta hlâ ta.

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.

MATHAI 9:28

O chhôh lâ â ngia nahta, mochaopazy cha a hnohta a vy ei ta, Zisu ta ama hnohta, “He hmo he ei tao thei tahpa namâ ngiapâ ma?” tah ta. Âmo ta a hnohta, “Abeipa y, eimâ ngiapâ na” tah ei ta.

RAWMA 5:14

Châhrasala Âdâh daihti tawhta Mawsi daihti taihta, Âdâh paraona hawhta hmo a parao leipazy chô liata chhao, thina chata ryu a reih lymâ. Âdâh cha a vy awpa pakhona a châ.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

HEBRAI 9:9

Cha cha tahmâhlâ daihti châta pamosana a châ. Cha hmo paryhzie liata cha, hmopiepa nata atheihna hlâ tyhpazy heta achhytuhpa chhie nata pha pahnona pahro thei vei.