HEBRAI 11:16 - Mara Bible RV (BSI)

¹⁶ Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

HEBRAI 11:16 ပူးပေါင်းရင်းမြစ်များ

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MÂKA 12:26

Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma?

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 20:37

Athihpazy pathyupa ta ama y awpa kyh he, Mawsi chhao khata a vaw reih haw. Abeipa cha Abarahâ Khazohpa, Aisika Khazohpa, Zakaw Khazohpa tahpa ta, thobuh liana kha a vaw palâsa ha mâh tâh.

ZAWHÂNA 14:2

Ei Paw o liata yna hluhpi a y. A y vei khiahta cha, ei cha chho ha awpa ei a châ. Nama châta su a chhuahdy awpa ta ei sie aw.

HMOTAOPAZY 7:32

‘Kei he châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,’ tah ta. Mawsi cha a chalyu ta, moh ngâh khao leipa ta.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

HEBRAI 11:10

Chatanachata abônazy a hneipa, Khazohpa pachhuahpanohpa nata paduapa khihpi cha a hâ hualua.

HEBRAI 11:14

Cha hawhpa kyh a reihpa chyhsazy cha, ama râh sôhpahlôhpa a tluapazy ama châ tahpa ama palâsa.

HEBRAI 11:40

Khazohpa ta keimo châta hmo pha viapa â chhuahdy hapa vâta, âmo nata keimo â raohpa ta pakipa ta y awpa ta â chhuanoh hapa a châ.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

HEBRAI 13:14

He liata khihpi sôhpahlôhpa hnei tlôh lei khâh pi ta, khihpi a vaw y awpa cha tlao eima tlua.

HEBRAI 2:11

Pathaisatuhpa nata pathaisapazy cha ama zydua ta mopakha tawhta a puapa ama châ. Chavâta Zisu ta âmo cha unawhzy tah awpa a noza vei.

BIEPHUAH 21:2

Chatawhcha khihpi pathaihpa, Zerusale thiehpa hmô na ta. Myuhthieh ta a vahpa châta a tobi ta, a mâ chiehpa ta a ypa hawhta, avâ liata Khazohpa tawhta za chô ta.