HEBRAI 11:1 - Mara Bible RV (BSI)

¹ Ngiapâna cha hmo hnabeiseihpazy a y tlai tahpa pahnona châ ta, hmo hmô leipazy pahnopasiana a châ.

HEBRAI 11:1 ပူးပေါင်းရင်းမြစ်များ

HLAZY 27:13

Ahrohpa râh liana heta, Abeipa phana ei hmô aw tahpa ei ngiapâ.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

1 KAWRINI 13:13

Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

2 KAWRINI 11:17

Ei bie reipa he Abeipa rei awpa chi la châ vei. Ahrupa hawhta apalaina bie ngâh buluhpa ta ei reih.

2 KAWRINI 4:18

Hmô theipazy sai leipa ta, hmô thei leipazy tlao eima sai. Hmô theipazy cha buakha châta châ ta, hmo hmô thei leipazy deikua cha chhâzaw châta a châ.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

2 KAWRINI 5:7

hmô theipa ta sie leipa ta, ngiapâna ta eima sie.

2 KAWRINI 9:4

Chataleipatala Mâsidônia mo ta na vaw zi ei sala, namâ mâ leipa ama cha hmô khiahta cha, eima cha ngâpa hawhta a châ leipa vâta, nâmo maophyuh leipa aw ei chi ta, keimo maophyuhna a châ aw.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.