HEBRAI 10:37 - Mara Bible RV (BSI)

³⁷ “Bohpi leipa liata, A vy awpa cha â vy aw, Hawh aw vei.

HEBRAI 10:37 ပူးပေါင်းရင်းမြစ်များ

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 60:22

A nawh chaipa cha, Pho ta a duah aw ta; A chyh chaipa chhao, Phopi thatlôpa a vaw châ aw. Kei he Abeipa châ na ta, He hmo he a daihtita liata thlai ei tao aw.

MATHAI 11:3

Zisu hnohta, “A vy awpa cha na châ ma, ahropa eima hâ aw ma?” tahpa ta pahiahrisa ta.

LUKA 18:8

Ei cha chho ei, ama châta hmo dopa thlai a taopa aw ei. Anodeikua cha Chyhsa Sawchapawpa â vy tita, khizaw liana he ngiapâna a vaw hmô aw tly ma?” tah ta.

PHILIPI 4:5

Nama nôphana cha chyhsa zydua pahnopa châ mawh sy. Abeipa cha â hnia haw.

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.

2 PITY 3:8

Kho ngaitapa saih u, he hmo miakha he my khuh vy: Abeipa pachâ ta cha, noh kha he kô sâh kha hawhta châ ta, kô sâh kha chhao noh kha hawhta a châ.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!