HEBRAI 10:36 - Mara Bible RV (BSI)

³⁶ Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 10:36 ပူးပေါင်းရင်းမြစ်များ

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 12:50

Ahy rai ei Paw vârâh liata a ypa khopa a taopa maih cha, ei unawh nata ei sietanô nata ei nô zy ama châ,” tah ta.

MATHAI 21:31

Cha pano liata ahy ma a paw khopa a tao?” tah ta. Âmo ta, “A hmiatuapa,” tah ei ta. Zisu ta ama hnohta, “Hmeiseihta ta ei cha chho ei, chhiekheituhpazy nata âzuahnôzy ta Khazohpa khinarâh ama châ ngia khâh aw.

MATHAI 24:13

Achhâna taihta a tao hualuapa cha pachhapa ta a y aw.

MATHAI 7:21

“ ‘Abeipa, Abeipa,’ nâ tahpa maihta, vârâh khinarâh a ngia leipa aw ei ta, ei Paw vârâh liata a ypa khopa a taotuhpa deita ta â ngia aw.

MÂKA 3:35

Ahy rai Khazohpa khopa a taopa maih, chazy tlai cha ei unawhzy, ei sietanôzy, ei nôzy ama châ,” tah ta.

LUKA 21:19

Riethei nama tao hualuana ta nama hrona nama pabohsa aw.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

HMOTAOPAZY 13:22

Sawla a thy tawhta, Khazohpa ta Dâvi cha ama bei châta padua ta, Khazohpa ta, ‘Zese sawchapawpa Dâvi liata, ei palôh a phaohpa, ei khopa zydua a tao awpa ei hmô haw,’ tah ta.

HMOTAOPAZY 13:36

“Dâvi cha Khazohpa hmochhuahpazy ano chhâ liata a chakao khai tawhta, a mô ta, a pathlatuhpazy hnohta paziapa châ ta, a thuzao khai haw.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

1 KAWRINI 13:7

Kyhpachâna cha ato pasa tao ta, ato a ngiapâ ta, ato hnabeiseih ta, ato liata riethei a tao lylia tyh.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

EPHESI 6:6

Chyhsa palysa a chhuahpazy hawhta ama hmô nota dei hria leipa ta, Krista seizy hawhta palôh hmeiseihpa ta Khazohpa khopa tao teh u.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

HEBRAI 11:39

Cha chyhsa zydua cha, amâ ngiapâna vâta reithaina hlao tlai ei ta, bietaipa deikua hmô mâh veih ei.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

1 PITY 1:9

namâ ngiapâna chhâpa nama thlahpa pachhana cha nama hmô haw.

1 ZAWHÂNA 2:17

Khizaw he a aohraohna chhaota a leidia hai. Khazohpa khopa a taotuhpa deikua cha, chhâzaw ta a y thlâh ha aw.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.

BIEPHUAH 14:12

Cha chata mopathaihpa, Khazohpa biepiepazy nata Zisu angiapâna bie a zyhtuhpazy cha tao hualua awpa a byuhzie a palâsa.