HEBRAI 10:33 - Mara Bible RV (BSI)

³³ A châh ta vâtlâh mohmô ta pasipasawhpa nata taolapa ta y ei chi ta, a châh ta pasipasawhna nata taolana a taopazy namâ duakhei tyh.

HEBRAI 10:33 ပူးပေါင်းရင်းမြစ်များ

HLAZY 69:9

Na o châta phahnai ei ngiahna ta na nie khai ha ta, Châ reipachhietuhpazy reipachhiena ei chô liata a tla.

HLAZY 71:7

Chyhsa hluhpi châta ngiana châ na ta, Châhrasala nâ cha ei chhaina thatlôpa na châ.

HLAZY 74:22

Hy Khazohpa, thyu la, na bie a duakhei la, Ahrupa ta noh y ta a cha reipachhiezie he a thei mah y!

HLAZY 79:12

Hy Abeipa, eima chheipâh râhzy ta ama cha pasipasawhnazy kha, A lie sari ta ama chô liata viari thô mah y!

HLAZY 89:51

Hy Abeipa, na chariahpazy ta miah ama pasipasawhna biezy a thei la, Na sathawthupa pheihnie ama reipachhienazy he a thei mah y.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

NÂHU 3:6

Apuapa cha thy thlu aw na ta, Saw ta cha reih aw va na; Pahneiparâsaopa ta ei cha soh aw.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

1 KAWRINI 4:9

Khizaw nata vâlyuhchâpazy nata chyhsazy mo phapa châ awpa ta, keimo, lyuhchâpazy pi he, thie awpa ta pathlupa chyhsazy hawhta, Khazohpa ta a hnôh chai ta miah a chaluahpa châ khiah ma ei tah tyh.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

PHILIPI 4:14

Chatahrasala ei nôponazy liata nama nô eina pokhei tyhpa ei chi he, nama tao pha na.

1 THYSALAWNIKA 2:14

Unawh saih u, nâmo chhao, Zudia râh liata a ypa Krista Zisu liata Khazohpa Awnanopazy hawhta nama châ ha hih. Zuzy ku liata âmo pasa ama taopa hawhta, nâmo chhao nama râh chyhsazy ku liata pasa nama tao hra.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.