HEBRAI 10:30 - Mara Bible RV (BSI)

³⁰ “Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.

HEBRAI 10:30 ပူးပေါင်းရင်းမြစ်များ

HLAZY 135:14

Abeipa ta a phopi cha thai pachâsa aw ta, A chakaotuhpazy chô liata zawngiahna a hnei aw.

HLAZY 50:4

A phopi pachia awpa ta, Chô lâ avâzy aw ta, Alei chhao a aw.

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

ISAI 59:17

Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 34:17

“Hy ei mietaku zawzy saih u, nâmo kyh liata, Abeipa Zehôvâh ta hetana heta a tah: Pachâ teh u, mietaku nata mietaku likah pachia aw na ta, mietaku tôhpazy nata mie tôhpazy likah ei pachia aw.

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.