HEBRAI 10:27 - Mara Bible RV (BSI)

²⁷ Ryureina rarôh ypa nata ano dyuhtuhpazy a kâ patlô awpa hiehâhna mei tlao a y aw.

HEBRAI 10:27 ပူးပေါင်းရင်းမြစ်များ

HLAZY 21:9

Nâ vaw luah tita âmo cha meihô hawhta tao aw chi ta, Abeipa ta âmo cha a pathi iapa ta palâ khai aw ta, Meisaih ta a kâ patlô khai aw ei.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

EZEKIA 38:19

Ei hiatliana nata ei pathiiana ru ngaitapa ta, cha noh liata Izarei râh liata losihpa ru ngaitapa â sih awpazie ei phuah.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

ZÔELA 2:30

“Lei nata vâ liata Hmo noâhpazy ei chaluah aw; Thisaih nata mei chaluah aw na ta, Meikhuh a duahpazy ei chaluah aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MALUHREINA 16:35

Chatawhcha Abeipa tawhta mei vaw pua ta, ropahâhpa a hlâ haipa chyhsa 250 cha a kâsao khai ha ei.

MATHAI 13:42

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 13:50

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

LUKA 21:26

Avâ hmotaotheinazy a chalyu aw ta, khizaw liata hmo a vaw tlô awpa pachâpa ta, chyhsazy chipa ta ama panao aw.

LUKA 23:30

Cha tina chata chyhsazy ta tlâhpizy hnohta, ‘Miah vi teh,’ tah aw ei ta; tlâhthlôhzy hnohta, ‘Miah khu teh,’ ama tah aw.

ZAWHÂNA 5:29

ama kaw thyu khai aw. Hmopha a taopazy cha hrona to awpa ta thyu aw ei ta, moleina hmo a taopazy deikua cha, thailei châ awpa ta ama thyu aw.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 12:29

eima Khazohpa he a kâ patlô theipa mei châ tlôh ta.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

ZÂMIE 5:3

Nama ngôh nata tâkâzy a saiie khai ha ta, a saiiepa cha nama thaileizie pahnosana châ aw ta, nama sapa mei hawhta a kâ aw. Noh hnôhchaipazy liata ryu a pachôpa nama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.