HEBRAI 10:1 - Mara Bible RV (BSI)

¹ Ryhpa cha hmo phapa a vaw y awpazy nohpahlipa dei châ ta, a hmeiseihpa a châ leipa vâta, kô chareih ta atheihna hlâ tyhpa a châpa chhao ta, a hlâtuhpazy châta pakina tlôkhei thei beih vei.

HEBRAI 10:1 ပူးပေါင်းရင်းမြစ်များ

THEIHTHAINA 9:16

Raopa hlâna chhao cheih ta, a taozie awpa ryhpa raopa hawhta hlâ ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

KAOLAOSÂ 2:17

Chazy cha hmo vaw tlô awpazy nohpahlipa châ ta, a hmeiseihpa deikua cha Krista a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 7:11

Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?

HEBRAI 8:5

Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

HEBRAI 9:11

Krista deikua cha, hmo phapa a vaw tlôpazy châta theihthai beichaipa ta â vy nota, achhyna byureih rônah viapa nata paki viapa siepahliepa ta a vy ta, cha cha ku ta sa leipa, he hmotaopazy hry liata a hlao leipa a châ.

HEBRAI 9:23

Chavâta vârâh hmo a lyupazy hmahta atheihnazy ta pathaisa awpa a byuh khiahta cha, vârâh hmo hmeiseihpazy chhochhi cha, chazy hlâta atheihna pha via syulyupa ta pathaisapa ta a y awpa rai a châ.

HEBRAI 9:25

Theihthai beichaipa cha kô chareih ano thisaih a châ leipa thisaih a cheipa ta Su Pathaih Chaipa liata a ngia tyh ta, Krista deikua cha â hlâ chanei ngâ thlâh ha awpa a ngiah vei.