HEBRAI 1:6 - Mara Bible RV (BSI)

⁶ Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

HEBRAI 1:6 ပူးပေါင်းရင်းမြစ်များ

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

KAOLAOSÂ 1:15

Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

KAOLAOSÂ 1:18

Awnanopa cha a pôhpa châ ta, ano cha Awnanopa luh a châ. Ano cha âthaona châ ta, athihpazy hry tawhta a thyu tuachaipa sawchapaw uhtheipa châ ta, ato liata a y tua chaipa a châ.

HEBRAI 1:5

Vâlyuhchâpazy hry liata ahy hnohta ma Khazohpa ta, “Ei Sawchapawpa châ chi ta, Tanoh he na Paw ei châ,” a tah beih tly? Cha leipa chhao ta, ahy vâlyuhchâpa hnohta ma, “Ano châta Paw châ aw na ta, Ano cha kei châta Sawchapawpa a châ aw,” a tah beih tly?

HEBRAI 10:5

Chavâta khizaw lâ â zu nona khata, Krista ta, “Atheihna nata hmohlâpazy khoh leipa chi ta, Pôhpa tlao nâ chhuanohpa chi ta,

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

1 ZAWHÂNA 4:9

Ano vâta eima hroh thei nawpa ta, Khazohpa ta a Sawchapaw matlupa khizaw lâ a vaw tuapa liana heta, Khazohpa kyhpachâna cha eima hry liata palâsapa ta a y.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,