HEBRAI 1:5 - Mara Bible RV (BSI)

⁵ Vâlyuhchâpazy hry liata ahy hnohta ma Khazohpa ta, “Ei Sawchapawpa châ chi ta, Tanoh he na Paw ei châ,” a tah beih tly? Cha leipa chhao ta, ahy vâlyuhchâpa hnohta ma, “Ano châta Paw châ aw na ta, Ano cha kei châta Sawchapawpa a châ aw,” a tah beih tly?

HEBRAI 1:5 ပူးပေါင်းရင်းမြစ်များ

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

1 THÂTIHZYRONA 17:13

A paw châ aw na ta, ei sawchapawpa a châ aw. Nâma hlâta a bei tuapa tawhta ei zawngiahna ei la hapa hawhna khata, ano tawhta ei zawngiahna la aw va na.

1 THÂTIHZYRONA 22:10

Ano ta ei moh châta o a sa aw. Ano cha ei sawchapawpa châ aw ta, kei a paw ei châ aw. Â beina beidyuchhai cha Izarei râh liata chhâzaw châta ei padua aw,’ tahpa ta na chho ha ta.

1 THÂTIHZYRONA 28:6

Abeipa ta ei hnohta, ‘Ei o nata ei tlyhmiazy cha na sawchapawpa Sawlawmaw ta a padua aw. Ano cha ei sawchapaw châta a tlyh na ta, kei a paw ei châ aw.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HMOTAOPAZY 13:33

Cha bietai cha Khazohpa ta Zisu a pathyuna liata, keimo ama pathlazy liata a vaw tlôpa a châ. Hlazy nuby mianona lia chhao ta, “‘Ei Sawchapawpa châ chi ta, Tanoh he na paw ei châ,’ tahpa ropa a châ.

HEBRAI 5:5

Cha hawhna chata Krista chhao ta theihthai beichaipa châ awpa ta anosasyh ta a cheihchalo vei. “Ei Sawchapawpa châ chi ta, Tanoh he na Paw ei châ,” tahpa ta a hnohta a reihtuhpa ta a raopa a châ.