HEBRAI 1:2 - Mara Bible RV (BSI)

² he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.

HEBRAI 1:2 ပူးပေါင်းရင်းမြစ်များ

ÂTHAONA 49:1

Zakaw ta a sawchapawzy aw ta, “Na vaw chadô teh u, noh hnôhlâ ta nama chô liata hmo a vaw tlô awpazy ei cha chho aw ei,” tah ta, hetana heta a chho ei:

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

MALUHREINA 24:14

Tahmâ cha ei phopi lâ ei sie aw. A vy teh, noh a vaw tlô awpazy liata, he phopi ta na phopi chô liata ama tao awpa ei cha pahnosa aw,” tah ta.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 21:38

Châhrasala thlyuhlaotuhpazy ta a sawchapawpa ama hmô nahta, a chhohia ei ta, ‘He chyhsa he ryutotuhpa a châ hih, a vy teh u, thie sih la, a ryu a la ei suh u,’ tah ei ta.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MÂKA 1:1

He he Khazohpa Sawchapawpa Zisu Krista thâtihpha athaona a châ.

MÂKA 12:6

Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta.

MÂKA 12:7

Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta.

ZAWHÂNA 1:10

Ano cha khizaw liata y ta, khizaw he ano hmâpa ta taopa châ ta, châhrasala khizaw ta ano cha pahno vei.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:3

Ato zydua ano hmâpa ta taopa châ ta, hmotaopa zydua ano a hlao leipa ta khâpa hmah taopa y vei.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 13:32

Ano liata Khazohpa parônahsapa ta a y khiahta cha, Sawchapawpa chhao Khazohpa ta ano liata parônahsa aw ta, thlai a parônahsa aw.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

ZAWHÂNA 16:15

Paw hmo hneipa zydua kei eih a châ. Chavâta, ‘Thlapalôhtuhpa ta kei eih cha la aw ta, a cha pahnosa aw ei,’ ei tahpa a châ.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 3:25

Zawhâna pachupa thokha nata Zu chyhsa pakha ta apathaisana kyh liata aeichhiana hnei ei ta.

ZAWHÂNA 5:26

Paw cha hrona hnawh a châpa hawhta, Sawchapawpa chhao hrona hnawh châ awpa ta a tao.

ZAWHÂNA 5:27

Chyhsa Sawchapawpa a châpa vâta, a hnohta pachiana biehneina a pie.

ZAWHÂNA 9:29

Mawsi cha Khazohpa ta bie â chho tahpa eima pahno. He chyhsa deikua he la, khataih tawhta a vypa ma a châ tahpa pahno ma pi,” tah ei ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 2:17

“‘Noh chhâna nohzy liata cha, Hetana heta a vaw châ aw, Khazohpa ta a tah: Chyhsa zydua chô liata Ei Thlahpa hry aw na ta, Nama sawchapawzy nata nama sawchanôzy ta Hrohsona bie phuah aw ei ta, Nama thyutliazy ta aluahnazy hmô aw ei ta, Nama pawpipazy ta mâ lâta ama sa aw.

RAWMA 1:4

A Thlahpa pathaihna kyh liata deikua cha, athihpa hry tawhta a thyuheihna ta, eima Beipa Zisu Krista cha hmotaotheina a hneipa Khazohpa Sawchapawpa a châzie a palâsa.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

RYHPACHANEINA 18:15

“Abeipa nama Khazohpa ta keima hawhpa hrohsopa nama unawhzy hry tawhta cha paduapa aw ei ta, a bie nama nathlie awpa a châ.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

RYHPACHANEINA 4:30

Rietheina a tyhpa ta, cha hmo zydua cha nama chô liata a vaw tlô tita, a chhâna liata cha Abeipa nama Khazohpa lâ kua heih aw ei chi ta, a ao nama nathlie aw.

HEBRAI 1:5

Vâlyuhchâpazy hry liata ahy hnohta ma Khazohpa ta, “Ei Sawchapawpa châ chi ta, Tanoh he na Paw ei châ,” a tah beih tly? Cha leipa chhao ta, ahy vâlyuhchâpa hnohta ma, “Ano châta Paw châ aw na ta, Ano cha kei châta Sawchapawpa a châ aw,” a tah beih tly?

HEBRAI 1:8

Sawchapawpa kyh liata deikua cha, hetana heta a tah: “Hy Khazohpa, na beidyuchhai cha, Chhâzaw nata tlyzaw ta y ta, Siana chôchahrei cha, Na khinarâh chôchahrei a châ.

HEBRAI 11:3

Ngiapâna ta khizaw he Khazohpa bie ta taopa a châ tahpa pahno pi ta, chavâta hmo eima hmôpazy he hmô theipa hmozy tawhta taopa châ veih ei tahpa eima pahno.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 5:8

Sawchapawpa a châ tarawpa ta, a pasa taonazy liata reingiahna a chu ta,

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.

HEBRAI 7:3

Ano cha paw hnei leipa ta, nô hnei hra leipa ta, pathlatuhpa alaichadai awpa hnei vei. Âthaona noh nata a hro chhâna nohzy rei awpa hnei hra leipa ta, Khazohpa Sawchapawpa lyupa ta taopa châ ta, chhâzaw ta theihthaipa ta a ypa a châ.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.