HEBRAI 1:14 - Mara Bible RV (BSI)

¹⁴ Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 1:14 ပူးပေါင်းရင်းမြစ်များ

ÂTHAONA 32:24

Zakaw cha ano dei ta siesaipa châ ta. Chyhsa pakha ta ano cha azozâkhihdei ta a pia ta.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

ZAWBÂ 1:6

Vâmozy Abeipa hmiakô liata amâ luahna noh liata, Sâtâ chhao ama hry liata a vaw luah hra ta.

HLAZY 104:4

Thlihzy cha na lyuhchâpazy ta hmâh chi ta, Meipaleih cha châ chakaotuhpazy ta na hmâh tyh.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 4:11

Chatawhcha ahripa ta Zisu cha siesai ha ta. Vâlyuhchâpazy a vy ei ta, ano cha ama chakao haw.

MÂKA 10:17

Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 1:19

Vâlyuhchâpa ta a chhy ta, “Kei he Kabriel ei châ. Khazohpa hmiakô liata a duah tyhpa châ na ta, bie cha chho ta, he thâtih lychhihpa he cha vaw tlôkhei awpa ta tuapa ei châ.

LUKA 1:23

A chakaona daihti a chhâ nahta, Zekaria cha o lâ a di ha ta.

LUKA 16:22

Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

LUKA 2:13

Sôkha ta vâlyuhchâpa hnohta vâmo hluhpi a vaw luah ei ta, Khazohpa reithai ei ta,

LUKA 2:9

Abeipa vâlyuhchâpa cha ama hnohta a vaw luah ta, Abeipa rônahna ta ama chheipâh cha za khaih ta, chi ngaita ei ta.

HMOTAOPAZY 11:22

Ama thâtih cha Zerusale liata Awnanopa nakhaoh liata a ngia ta, Bânabâ cha Antiôkâ lâ tuah ei ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

HMOTAOPAZY 12:7

Abeipa vâlyuhchâpa a kiapâh liata a vaw duah ta, patâhna o chhôh cha vaw khaih ta. Pity kâ liata kei chabaih ta, pahra ta, a hnohta, “Thyu para teh,” tah ta. Bâliazy cha a ku tawhta tla ha ta.

HMOTAOPAZY 13:2

Abeipa a chhypa ta kâhvileipa ta ama y hai nota, Thlahpa Pathaihpa ta, “Bânabâ nata Sawla kha âmo ei awna chhâpa rai hria awpa ta na pananopa teh u,” tah ta.

HMOTAOPAZY 16:26

Eikhapi ta alo thata a vaw sih ta, patâhna o abônazy taihta a vaw chalyu ta. Ochhi zydua thlai a vaw pahy ta, atâhpazy keihrai cha a vaw pathlâ khai ha ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 5:19

Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

RAWMA 11:14

Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah.

RAWMA 13:6

Ryureituhpazy cha Khazohpa chakaotuhpazy châ ei ta, Khazohpa chakaona rai a hriapazy ama châpa vâta, chhiezy chhao nama pie tyh.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 15:27

Cha cha a ly kawpa ta ama taopa a châ. Hmeiseih ta la, tao awpa amâ bâhpa rai a châ. Zenitaizy ta thlahpa kyh liata Zuzy amâ hlykhei khiahta cha, khizaw hmozy ta Zuzy ama deichhy hra awpa cha a byuhpa tlai a châ.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

KALATIA 3:7

Chavâta pahno teh u, ngiapâna liata a ypazy, chazy tlai cha Abarahâ sawzy ama châ.

KALATIA 3:9

Chavâta ngiapâna liata a ypazy cha, ngiapâpa chyhsa Abarahâ hnohta byhnâ patosapa ama châ.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

PHILIPI 2:25

Ei ngiahnazy liata na chakao awpa ta kei lâta nama vaw tuapa, ei unawhpa nata ei hrialâhpa nata pheisaih ei châlâhpa Epâpharôditâ he, nâmo lâ vaw pasiesa bâ awpa a byuhpa ta ei pahno.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

TITU 3:7

Chatanachata a ngiachhiena vâta thai pachâsapa ta y aw pi ta, chhâzaw hrona a hnabeiseihpa ryutotuhpazy eima châ thei aw.

HEBRAI 10:11

Theihthaipa maihta chakao awpa ta noh chareih a duah ei ta, moleinazy a siekhei thei leipa atheihna ama hlâ tyhpazy cha, a ualua ta ama hlâ chanei ngâ thlâh ha tyh.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.

HEBRAI 8:6

Tahmâ deikua, Krista cha biehrai pha viapa lyuhchâpa a châpa hawhta, chakaona rai pha via syulyupa to ha ta, cha biehrai cha bietai pha viapazy chô liata taopa a châ.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:4

ryuto rao thei leipa, apuapa a hlao leipa nata lo beih leipa vârâh liata a cha sopa ei.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.