HEBRAI 1:10 - Mara Bible RV (BSI)

¹⁰ “Hy Abeipa, nâ cha Âthaona liata leilô abôna a bôtuhpa châ chi ta, Avâzy khi na kuzô a châ.

HEBRAI 1:10 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

HLAZY 19:1

Avâzy khita Khazohpa rônahna phuah ei ta, Vâruapa khita a kuzôthaina a palâsa.

BIESOZY 8:29

Tizy ta a biepiepa ama parao lei nawpa ta, Tilaipi râhrizy taopa ta leilô abôna a tao no khata ei y haw.

ISAI 40:12

Ahy ma a kupazah ta tizy panua ta, A kha ta avâ khi a thlie beih tly? Ahy ma saikhua ta alei dohlei panua ta, Khopathliahna ta tlâhpizy pathliahpa ta, Khopathliahna ta tlâhthlôhzy a pathliah beih tly?

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 48:13

Ei ku ta leilô abôna lôbô bô ta, Ei ku chachâh lâta avâzy khi parai ta, Ei awpa nah ei ta thlai amâ duah tyh.

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.

HEBRAI 12:27

“Ei kha cha ei chalyu heih aw,” tahpa heta, hmo a chalyu leipazy a y ualua ta a y lymâ thei nawpa ta, hmo a chalyupazy cha, hmotaopazy hawhta pasiepa ta a y aw tahpa a palâsa.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.