HÂKAI 2:22 - Mara Bible RV (BSI)

²² Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

HÂKAI 2:22 ပူးပေါင်းရင်းမြစ်များ

2 THÂTIHZYRONA 15:6

Ama keichheih khai haw. Khazohpa ta tymâna to ama chô liata a patlôsapa vâta, phopi miakha cha phopi hropa ta parao ta, khihpi miakha ta khihpi hropa a parao.

2 THÂTIHZYRONA 20:22

Reithaina hla ama sa pathaopa nahta, Abeipa ta Zudâh a dyuh awpa ta a vaw puapa Amawna mo, Mô­abâ mo nata Seirâ Tlâh mo a byh awpazy soh ta, âmo cha ama pahnie haw.

2 THÂTIHZYRONA 20:23

Amawna mo nata Môabâ mo ta Seirâ Tlâh liata a pahrâpazy cha pahleipadia khai a chhuah ei ta, Seirâ mo ama pamua khai nahta, âmo nata âmo a pahleipadia a chhuahpa ta amâ dyuh lymâ.

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

HLAZY 76:6

Hy Zakaw Khazohpa, na rana vâta, Arâ nata a kiahtuhpa zy pao ei ta, Nokhih pahno leipa ta ama y.

PUASAINA 14:17

Pachâ teh, Izi mo palôh kuh pachhasa aw na ta, Izarei sawzy a chadai aw ei ta, chatanachata Phiraoh nata a pheisaih zydua nata a talailihzy nata arâ a kiahpazy hmâpa ta palyupalihna ei hlao aw.

PUASAINA 14:28

Tizy vaw loh pakhua ei ta, talailihzy nata arâ a kiahpazy nata Izarei mo a chadaituhpa Phiraoh pheisaih zydua cha, ti ta vao ei ta, pakha hmah a hrohpa y veih ei.

PUASAINA 15:19

Phiraoh arâzy, talailihzy nata arâ a kiahpazy tilaipi chhôh lâ amâ ngia khai nahta, Abeipa ta tilaipi tizy cha vaw pakuasa ta, âmo cha a vao ha ei. Izarei sawzy deikua cha, tilaipi chhôh alei hipa liata ama sie.

PUASAINA 15:4

“Phiraoh talailihzy nata a pheisaihzy tilaipi liata thy ta, A pheisaih hyutuh pha chaipazy Tilaipi Saihpa liata ama tlasao khai haw.

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

ISAI 60:12

Châ chakao khoh leipa Phopi nata khinarâh cha a leidia aw; Cha phopizy cha, Tlokhuh pahleipadia khaipa a châ aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

EZEKIA 21:27

Raona, raona, raona ei tao aw. Châhrasala paraotuhpa a vaw tlô hlâlei cha, paraopa châ mâh aw vei. A vaw tlô tita paraotuhpa hnohta ei hlâ aw.

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 38:21

Kawkâ a dyuh awpa ta, ei tlâhpi zydua chô liata zaozi pahmaoh aw na ta, chyhsa to zaozi ta a unawhpa â dyuh aw, Abeipa Zehôvâh ta a tah.

EZEKIA 39:20

Arâzy nata arâ pheisaihzy, chyhsa thatlôpa nata pasaipha chi nanopazy cha, ei tlâhkhai liata lôhrâtlôpa ta nama nie aw,’ Abeipa Zehôvâh ta a tah.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

AMÔSÂ 2:15

Likathaipa a duah thei leipa aw ta, A phei lâsie a chatlie kawpa hmahta A pabohsa thei aw vei; Arâ a kiahpa chhao ta, A hrona pabohsa thei aw vei.

MIKÂ 5:10

Abeipa ta hetana heta a tah: “Cha noh liata, Na arâzy nâ tawhta chhawh pathlah aw na ta, Na talailihzy ei parao aw.

MIKÂ 5:15

Reingiah leipa phopizy chô liata, Hiehâhna nata pathiiana ta phuh ei la aw.”

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MIKÂ 5:9

Na khakhaipazy chô lâta na ku hy aw chi ta, Na chariahpazy cha chhawh pathlahpa ama châ aw.

MIKÂ 7:16

Phopizy ta hmô aw ei ta, Thatlô amâ tah kawna zydua ama zakhei aw; Ama pakahzy a chahu aw ei ta, Ama nahzy a pâ aw.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

ZEKARIA 10:11

Tilaipi chichhihpa siepahlie aw ta, Tilaipi tichatlaopazy a tu aw; Chatanachata Nile Chavah a thu ngaitapazy chhao, A kua khai ha aw. Asuria apalaina cha panawhpa châ aw ta, Izi abeina chhao a sie aw.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

ZEKARIA 12:9

Cha noh liata, Zerusale adyuhpa phopi zydua pahleipadia khai awpa ta, ei siehnao aw ei.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

MATHAI 24:7

Phopi nata phopi a dyuh aw ei ta, khinarâh nata khinarâh amâ dyuh aw. Su hluhpi liata chakâhnazy tlô aw ta, alozy â sih aw.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

1 SAMUELA 14:16

Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.