HÂKAI 2:19 - Mara Bible RV (BSI)

¹⁹ Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

HÂKAI 2:19 ပူးပေါင်းရင်းမြစ်များ

ÂTHAONA 26:12

Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ZAWBÂ 39:12

Na sâhzy vaw phaoh aw ta, Sawhri liata a vaw sohpakhy aw tahpa na ngâ ma?

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 84:12

Hy Pheisaihzy Abeipa, Nâma châ ngâtuhpa cha a nohlao na!

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

ZEREMIAH 31:14

Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.

ZÔELA 1:12

Kre zôh uah ta, Theiku kô a raoh haw. Pawmikarânâ nata thiahrâ kôzy raoh ei ta, Epuh kôzy a raoh haw; Lyu liata tho zydua raoh khai ha ta, Chyhsa sawzy alyna a dia haw.

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

HÂKAI 1:11

Alei chô liata zy, tlâh chô liata zy, sâh thiehpa chô liata zy, kresawhti thiehpa chô liata zy, sathaw thiehpa nata chhaohlei thei a pathei awpa zydua chô liata zy, chyhsapa nata sahroh zydua chô liata nata hriapasana theilâpa zydua chô liata noh ei pakâhsa khai haw,” tah ta.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

RYHPACHANEINA 15:10

Riapha kawpa ta nama pie awpa châ ta, nama pie tita a ngiapachhina palôh nama hnei awpa châ vei. Cha hawhta nama tao khiahta cha, Abeipa nama Khazohpa ta nama hmotaopa zydua nata nama raihria zydua liata byhnâ a cha pie aw ei.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.