HÂKAI 2:17 - Mara Bible RV (BSI)

¹⁷ Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

HÂKAI 2:17 ပူးပေါင်းရင်းမြစ်များ

ÂTHAONA 42:23

Ama likah liata reih palietuhpa a ypa vâta, ama biereipa cha Zawsi ta a thei tahpa pahno leipa ei ta.

ÂTHAONA 42:27

Riebu liata ama hry liata pakha ta alâ lao pie awpa ta a sykhao pahy ta, a tâkâ kha a sykhao paka liata a vaw y thlâh hapa hmô ta.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

1 ABEIZY 8:37

“Chakâhna tlyma, potlana tlyma, chawhkaraina tlyma, hmyna tlyma, khawsu tlyma, chângyu tlyma râh liata vaw y sala, ama chariahpa ta ama khihpizy dôhpa ta, potlana nata pasana kheihawhpa rai vaw tlô sala,

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

2 THÂTIHZYRONA 6:28

“Chakâhna tlyma, potlana tlyma, chawhkaraina tlyma, hmyna tlyma, khawsu tlyma, chângyu tlyma râh liata vaw y sala, ama chariahzy ta ama khihpizy dôhpa ta, potlana nata pasana kheihawhpa rai vaw tlô sala,

ZAWBÂ 36:13

“Palôh liata Khazohpa a hnei leipazy cha, Hiehâhna pachô ei ta; Bâlia ta a chahry no chhao ei ta, Baona hiapa ta awh veih ei.

HLAZY 128:2

Na ku hriapasana thei niepa ta, Vânoh topa ta y aw chi ta, Na châta a pha aw.

HLAZY 78:46

Ama chicheipazy chângyu pie ta, Ama hriapasana thei khawsu a pie haw.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 37:27

Chavâta a chhô liata a ypazy cha, Thatlôna hnei leipa ei ta; Riahchhiepa ta y ei ta, Ama maophyuh hapa kha. Lyu chicheipa hawhta châ ei ta, Si panyupa ama lyu; Vâphuh liata sibiepa hawhta, Ama lai hlâta ama uah haw.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ZEREMIAH 3:24

“Châhrasala eima thyutlia daihti tawhta, nozachhihpa hmo chata miah pathlatuhpazy vaw hriapasana zydua nie khai ha ta, ama mietaku zawzy, ama viahchao hrizy, ama sawchapawzy nata ama sawchanôzy a nie khai ha ei.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

AMÔSÂ 4:6

“Nama khihpi zydua liata, Hâh pathaihna cha pie ei na ta; Nama yna su maihta, Viahchhâ phahlana ei cha pie ei; Chatanachôta kei lâ vaw kua veih ei chi,” Abeipa ta a tah.

HÂKAI 1:11

Alei chô liata zy, tlâh chô liata zy, sâh thiehpa chô liata zy, kresawhti thiehpa chô liata zy, sathaw thiehpa nata chhaohlei thei a pathei awpa zydua chô liata zy, chyhsapa nata sahroh zydua chô liata nata hriapasana theilâpa zydua chô liata noh ei pakâhsa khai haw,” tah ta.

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

HÂKAI 2:16

khâpa ma nama lyu? Chyhsa ta sâh hmo kih ama pathluna su lâ â vy tita, hmo hrawh deita y tyh ta; Kresawhti ôh sypangawh thai awpa ta kresawhti saohna su lâ â vy tita, ôh kih deita a y tyh.

MALAKHAI 3:11

“Arievazy ta nama chhaohlei theizy ama nie lei nawpa ta pakhâ aw ei na ta, nama sadô liata kre zôhzy pathei leipa ta y aw vei,” Pheisaihzy Abeipa ta a tah.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

BIEPHUAH 2:21

A ro nawpa ta daihti pie na ta, châhrasala a sihryhna cha ro khoh vei.