HÂKAI 2:11 - Mara Bible RV (BSI)

¹¹ “Pheisaihzy Abeipa ta hetana heta a tah: Ryhpa kyh liata theihthaipazy hiahri teh:

HÂKAI 2:11 ပူးပေါင်းရင်းမြစ်များ

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

TITU 1:9

Awnanopa chhituhpa cha biezyhpa dopa a pachu thei awpa châ ta, biezyhpa dopa chakhiatuhpazy a padei thei nawpa ta, pachuna dopa â ipa ta a patu awpa a châ.