HÂKAI 1:6 - Mara Bible RV (BSI)

⁶ A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

HÂKAI 1:6 ပူးပေါင်းရင်းမြစ်များ

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

1 ABEIZY 17:12

Nôhmeinô chata, “Abeipa na Khazohpa hrona reipa ta ei reih, viahchhâ hnei leipa na ta, beih liata viahdie pazah kha deita nata a ôh liata sathaw a chyhta deita ei hnei. Tahmâ thopahrei chhao he a chyhta dei pakhy na ta, o lâ vawh aw na ta, keima nata ei sawchapawpa châta viahchhâ tao aw na ta, nie aw pi ta, cha khô lâ cha nie awpa hnei khao leipa aw pi ta, tlâ eima thi aw,” tah ta.

NEHEMIAH 5:2

Thokhazy ta, “Keimo sahlao he eima sawchapawzy nata eima sawchanôzy chhaota hluh ngaita pi ta, chavâta nie awpa hneipa ta eima hroh thei nawpa ta, sâh a chhuhrao ei suh u,” tah ei ta.

ZAWBÂ 20:22

 tivy chaina daihti liata nôpona a tyh aw ta, Dyhchhiepa to ta ama ku ama hy thlu aw.

ZAWBÂ 20:28

Tisaih ta a o ly aw ta, Khazohpa pathiiana no liata a phaoh pathlah ha aw.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

BIESOZY 11:24

A saipa ta hiepatlapa cha pôh rilina châ ta, Byuhpa hleikhô ta riakhiehpa deikua cha phahlana a châ.

ISAI 5:10

Kre sadô bai hrawh lyu liata beihrai kha ngâlâh veih aw ta, Sâh chi bai kha tu liata kachu kha ngâlâh a veih aw.”

ZEREMIAH 12:13

Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”

ZEREMIAH 14:4

Râh liata vâsua rai y leipa ta, Chhaohlei a kai khai hapa vâta, Lyutaopazy nozapa ta y ei ta, Ama luh amâ khu.

ZEREMIAH 44:18

Avâ beinô lâ ropahâhpazy rao khao leipa pi ta, ano lâ dopa hlânazy eima patlai khao vei rakha tawhna khata, ato tlao a phahla pi ta, zaozi nata chakâhna zy ta miah a pahleipadia hapa a châ,” tah ei ta.

HÔSIA 4:10

Abeipa amâ heihsaipa vâta, Nie aw ei ta, Ama py bie aw vei; A patla aw ei ta, Pôh hlei aw veih ei.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

HÂKAI 1:10

Chavâta nama chô lâta avâ ta diati pakhâ ta, alei ta kôvei a pakhâ haw.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

HÂKAI 1:7

“Pheisaihzy Abeipa ta hetana heta a tah: Nama lâpizy pakhâta ta moh teh u.

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

HÂKAI 2:16

khâpa ma nama lyu? Chyhsa ta sâh hmo kih ama pathluna su lâ â vy tita, hmo hrawh deita y tyh ta; Kresawhti ôh sypangawh thai awpa ta kresawhti saohna su lâ â vy tita, ôh kih deita a y tyh.

HÂKAI 2:17

Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

ZEKARIA 5:4

“Chhiesana cha tuah aw na ta, parutuhpa o a ngia aw ta, haipa ta ei moh ta bie a taihpa ochhôh chhao â ngia aw. Ama o liata y aw ta, tho nata lô zydua a tlô khaina taihta a kâ khai aw,” Pheisaihzy Abeipa ta a tah.

ZEKARIA 8:10

Kha daihti hlâta cha, chyhsazy châta hria hlao hmô nawpa y leipa ta, sahrohzy châta chhao, hria hlao hmô nawpa y vei. Âmo nata âmo ei padyuhsa khai hapa vâ ei ta, chariahpazy tawhta a boh leipa ei ta, ama tao awpazy thlalôhpa ta tao thei veih ei.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

RYHPACHANEINA 28:17

“Nama hrâbyh nata nama viahchhâ nyhna beikoh zy chhiesapa ta a y aw.