HÂKAI 1:14 - Mara Bible RV (BSI)

¹⁴ Abeipa ta Siati sawchapawpa Zudâh râh ryureituhpa Zerubâbe palôh nata Zehôzadâ sawchapawpa theihthai beichaipa Zawsua palôh nata phopi laibâhpa zydua palôh cha pathyu ta. Chatanachata pua ei ta, Pheisaihzy Abeipa ama Khazohpa o cha,

HÂKAI 1:14 ပူးပေါင်းရင်းမြစ်များ

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

2 THÂTIHZYRONA 36:22

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 1:1

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 1:5

Chatanachata Zudâh nata Benzami pho pawhrâhpazy, theihthaipazy, Livai pathlazy nata Zerusale liata Abeipa o paduapathi awpa ta Khazohpa ta a palôh a pathyupa zydua thyu ei ta.

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

NEHEMIAH 4:6

Chatanachata thokhy cha padua pi ta. Zawpizy ta hria khohna palôh ama hneipa vâta, thokhy cha â sâhna khophie taih thlai patlô pi ta.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:12

Siati sawchapawpa Zerubâbe nata Zehôzadâ sawchapawpa theihthai beichaipa Zawsua nata phopi laibâhpa zydua ta Abeipa ama Khazohpa ao cha thei ei ta, hrohsopa Hâkai chhao cha, Abeipa ama Khazohpa tuapa a châpa hawhta, a bie nathlie ei ta. Chyhsazy ta Abeipa ama hnohta a ypa cha chi ngaita ei ta.

HÂKAI 1:15

Bei Dâria abeina kô nona, thla charuna, noh kih nata noh palih noh ta sa pathao ei ta.

HÂKAI 2:2

“Siati sawchapawpa Zudâh râh ryureituhpa Zerubâbe hnohta nata Zehôzadâ sawchapawpa theihthai beichaipa Zawsua hnohta nata phopi laibâhpazy hnohta hetana heta reih la, âmo cha hiahri teh,

HÂKAI 2:21

“Zudâh râh ryureituhpa Zerubâbe hnohta hetana heta chho teh: ‘Alei nata avâ ei chalyu daihmâ haw.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

2 KAWRINI 8:16

Kei ta nama châta phahnai ei ngiahpa hawhta, Titu liata phahnai ngiahna a pahneisatuhpa Khazohpa cha reithaipa ta y mawh sy.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.