HÂKAI 1:11 - Mara Bible RV (BSI)

¹¹ Alei chô liata zy, tlâh chô liata zy, sâh thiehpa chô liata zy, kresawhti thiehpa chô liata zy, sathaw thiehpa nata chhaohlei thei a pathei awpa zydua chô liata zy, chyhsapa nata sahroh zydua chô liata nata hriapasana theilâpa zydua chô liata noh ei pakâhsa khai haw,” tah ta.

HÂKAI 1:11 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

2 ABEIZY 8:1

Elaisâh ta a sawchapawpa a pahro heihpa chanô hnohna kha ta, “Thyu la, na chhôhkha chhao ta nama y theina su lâ kei y chy muh vy. Abeipa ta chakâhna aw ha ta, râh liana he kô sari chhôh chakâhna a tlô aw,” tah ta.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

ZEREMIAH 14:2

“Zudâh cha mâchhiesa ta, A thokhy chhikaozy a ry khai haw; Chaphôhtupa ta alei liata a byu ei ta, Zerusale awhsâhpa pyu a paro ngaita.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

AMÔSÂ 7:4

Abeipa Zehôvâh ta hetana heta na pahmôsa heih ta: Pachâ tua u, Abeipa Zehôvâh ta mei ta pachiana aw ta, mei chata ti athupa lai ngaitapa cha palâ khai ha ta, alei chhao nie lymâ ta.

AMÔSÂ 9:6

Avâzy liata a ochô chhôhpadâhzy tao ta, Alei liata a o tôh a bô; Tilaipi tizy aw ta, Alei chô liata a patlaituhpa a châ; Ano cha a moh Zehôvâh a châ.

HÂKAI 2:17

Nama ku raihria zydua cha alôpa, hmyna nata pareih zy hmâpa ta cha paraopa ei na ta, chatanachôta kei lâ vaw kua hlei veih ei chi,” Abeipa ta a tah.

HÂKAI 2:19

Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

MALAKHAI 3:11

“Arievazy ta nama chhaohlei theizy ama nie lei nawpa ta pakhâ aw ei na ta, nama sadô liata kre zôhzy pathei leipa ta y aw vei,” Pheisaihzy Abeipa ta a tah.

MALAKHAI 3:9

Eina hrao ngâ thlâh hapa vâ ei chi ta, nama râh dua ta chhiesana ry liata nama y.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.