HÂKAI 1:1 - Mara Bible RV (BSI)

¹ Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:1 ပူးပေါင်းရင်းမြစ်များ

1 ABEIZY 10:15

Chazy cha sôdaohpazy, sôhpaliepazy, notla bei zydua nata râh ryureituhpazy ta râhpaw ama piepazy thota Sawlawmaw liata a ngiapa ngôhzy a châ.

1 ABEIZY 14:18

Abeipa ta a chakaotuhpa hrohsopa Ahiza hmâpa ta bie a vaw rei hapa hawhta, Izarei saw zydua ta hawti cha pabu ei ta, ano châta mâchhiesa ei ta.

2 ABEIZY 14:25

Abeipa, Izarei Khazohpa ta a chakaotuhpa Kahepha khihpa Amitai sawchapawpa hrohsopa Zawna hmâpa ta bie a vaw reipa hawhta, Lebôhamâ tawhta Arabâ Tilaipi taihta Izarei râhri a pakawh heih.

1 THÂTIHZYRONA 3:17

Sei ta amâ chhipa Zekôniah sawchapawzy cha Siatie,

1 THÂTIHZYRONA 3:19

Pedai sawchapawzy cha Zerubâbe nata Simei ama châ. Zerubâbe sawchapawzy cha Mesulâ nata Hânaniah châ ei ta, ama sietanô cha Selômi a châ.

EZRÂ 1:8

Chazy cha Persia bei Kôresâ ta sôh avaotuhpa Mitharedâ mohôhna ry liata thaoh papua ta, Mitharedâ ta sôh cha reih ta, Zudâh pawhrâhpa Sebâza hlâ ta.

EZRÂ 10:18

Hezy he theihthaipa sawzy hry tawhta chihropa chanô lapinô ta a hneipazy ama châ: Zôzadâ sawchapawpa Zesua pathlazy nata a unawhzy tawhta Mâsei, Elieze, Zari nata Kedaliah zy châ ei ta,

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 2:63

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

EZRÂ 3:8

Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

EZRÂ 4:2

Zerubâbe nata pho pawhrâhpazy lâ vawh ei ta, ama hnohta, “Eima cha sakhei aw, keimo chhao nâmo hawhta nama Khazohpa a chhy hra pi ta, he liata miah a vaw chhituhpa Asuria bei Esâhadô â bei no tawhna khata nâmo Khazohpa lâta atheihna eima hlâ lymâ,” tah ei ta.

EZRÂ 4:24

Chatanachata Zerusale liata Khazohpa o raihria cha a chalih ha ta, Persia bei Dâria â beina kô nona taihta â chalih haw.

EZRÂ 5:1

Cha daihti liata, hrohsopa Hâkai nata Idô sawchapawpa Zekaria ta Zudâh nata Zerusale liata Zu chyhsa a ypazy hnohta ama chô liata a ypa Izarei Khazohpa moh ta hrohsona bie phuah ei ta.

EZRÂ 5:3

Cha nona chata Chavah Hao­sâ râhvaotuhpa Tâtenai nata Sethâbôzenai nata ama hrialâhpazy âmo lâ a vy ei ta, ama hnohta, “He o tôhtlâh padua ta, a o paloh awpa ta ahy ma bie châ pie ei?” tah ei ta.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

NEHEMIAH 12:1

Hezy he Siati sawchapawpa Zerubâbe nata Zesua hnohta a vaw liepa theihthaipazy nata Livai pathlazy ama châ. Theihthaipazy cha Seriah, Zeremiah, Ezrâ,

NEHEMIAH 12:10

Zesua cha Zôki paw châ ta, Zôki cha Eliasi paw châ ta, Eliasi cha Zôiadâ paw châ ta,

NEHEMIAH 5:14

Cha dei châ vei, Zudâh râh a vaotuhpa ta raopa ei châ rakha tawhta, Bei Âtazezia â beina kô kihna tawhta kô sythôh nata kô nona taihta, kô hrawh hleino chhôh, kei nata ei unawhzy ta râhvaotuhpa tovyuh niedozy nie ma pi.

NEHEMIAH 7:7

Chazy cha Zerubâbe, Zesua, Nehemiah, Azariah, Râmiah, Nâhamani, Môdekai, Bilsâ, Mispere, Bikavai, Nehu nata Bânâ zy chhaota amâ vaw lie. He he seichâna tawhta a vaw kuapa Izarei phopi maluh a châ:

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

PUASAINA 4:13

Châhrasala Mawsi ta, “Hy ei Beipa, ngiachhiepa ta chyhsa hropa tuah thlâh ha mah y,” tah ta.

HÂKAI 1:12

Siati sawchapawpa Zerubâbe nata Zehôzadâ sawchapawpa theihthai beichaipa Zawsua nata phopi laibâhpa zydua ta Abeipa ama Khazohpa ao cha thei ei ta, hrohsopa Hâkai chhao cha, Abeipa ama Khazohpa tuapa a châpa hawhta, a bie nathlie ei ta. Chyhsazy ta Abeipa ama hnohta a ypa cha chi ngaita ei ta.

HÂKAI 1:14

Abeipa ta Siati sawchapawpa Zudâh râh ryureituhpa Zerubâbe palôh nata Zehôzadâ sawchapawpa theihthai beichaipa Zawsua palôh nata phopi laibâhpa zydua palôh cha pathyu ta. Chatanachata pua ei ta, Pheisaihzy Abeipa ama Khazohpa o cha,

HÂKAI 1:15

Bei Dâria abeina kô nona, thla charuna, noh kih nata noh palih noh ta sa pathao ei ta.

HÂKAI 1:2

Pheisaihzy Abeipa ta hetana heta a tah: “He chyhsazy heta, ‘A daihti tlô mâh vei, Abeipa o sa pathi nawpa daihti châ mâh vei’ tah ei ta.”

HÂKAI 1:3

Hrohsopa Hâkai hmâpa ta Abeipa bie vaw tlô heih ta,

HÂKAI 2:10

Dâria abeina kô nona, thla chakina, noh kih nata noh palihna noh ta hrohsopa Hâkai hmâpa ta hetana heta Abeipa bie vaw tlô ta:

HÂKAI 2:20

Cha thla, noh kih nata noh palihna noh liata Abeipa bie cha Hâkai hnohta a ei nona ta vaw tlô heih ta:

HÂKAI 2:21

“Zudâh râh ryureituhpa Zerubâbe hnohta hetana heta chho teh: ‘Alei nata avâ ei chalyu daihmâ haw.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 1:1

Dâria abeina kô nona, thla chariena liata, Idô sawchapawpa Berekiah, Berekiah sawchapawpa hrohsopa Zekaria hnohta Abeipa bie vaw tlô ta:

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

MALAKHAI 1:8

Atheihna châta sahroh mochaopa nama hlâ khiahta cha, moleina châ vei ma? Asypa nata apasapa nama hlâ khiahta cha, moleina châ hra vei ma? Cha hawhpazy cha nama râh ryureituhpa hnohta pie tua rai u, nama chô liata â ly aw ma? A châ pyh aw ei ma?” Pheisaihzy Abeipa ta a tah.

LUKA 3:27

Zôdâ cha Zôanâ sawchapawpa châ ta, Zôanâ cha Resâ sawchapawpa a châ. Resâ cha Zerubâbe sawchapawpa châ ta, Zerubâbe cha Salâtia sawchapawpa a châ. Salâtia cha Neri sawchapawpa châ ta,