HABAKU 3:8 - Mara Bible RV (BSI)

⁸ Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

HABAKU 3:8 ပူးပေါင်းရင်းမြစ်များ

HLAZY 68:17

Khazohpa talailihzy cha thy hluhpi châ ta, Thy sâh hluhpi a châ; Abeipa cha Sinai liata a ypa hawhna khata, Pathaihna ta ama hry liata a pahrâ.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

HLAZY 114:5

Hy tilaipi, khazia nâ râ haw? Hy Zawdâh, khazia na hnawh lâ nâ lie haw?

HLAZY 114:3

Tilaipi ta moh ta a râ ta, Zawdâh a hnawh lâ â lie.

HLAZY 18:10

Cherubi chô liata kiapa ta a zaw ta, Thlih mathlawzy kiahpa ta a vaw tlô.

MÂKA 4:39

Zisu cha kaw thyu ta, thlih cha ra ta, tilaipi hnohta, “A chalih la, a thlih molo teh!” tah ta. Thlih cha a chalih ta, sidia ha ta.

HABAKU 3:15

Na arâzy ta tilaipi tlypâ chi ta, Tipi a chatlao ngâpazy na tlypâ.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

HLAZY 68:4

Khazohpa lâ hla sa u la, A moh reithai­pa ta sa teh u; Meihdo chô liata a kiahpa châta hla sa u la, A moh cha Abeipa châ ta, A hmiakô liata a lypa ta y teh u!

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 16:12

Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.

HLAZY 45:4

Biehmeiseihpa nata areisina nata siana châta, Nâ beina ta pahniena arâ kiah la, Na ku chachâh lâta hmo rarôh ypazy cha pachu mawh sy!

PUASAINA 7:20

Mawsi nata Arawna ta Abeipa biepiepa hawhta tao ei ta. Arawna ta a chôchahrei cha chalo ta, Phiraoh mohmô liata nata ano a chakaotuhpazy mohmô liata Nile chavah ti cha tu ta, Nile chavah ti zydua cha thisaih lâta â lie khai haw.

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

PUASAINA 14:16

Na chôchahrei kha hy la, tilaipi chô liata na ku pazawh la, tilaipi kha pachhaih mah y. Chatanachata Izarei sawzy cha tilaipi chhôh alei hipa liata ama sie aw.

HLAZY 77:16

Hy Khazohpa, tizy ta cha hmô ei ta, Tizy ta ama cha hmô nahta chi ngaita ei ta, Ti athupazy taihta amâ chalyu.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.