HABAKU 3:4 - Mara Bible RV (BSI)

⁴ A pathliezie cha khaihna hawhta châ ta, A ku tawhta khaihna noh ri hawhta a vaw pua; Cha liata a hmotaotheina nyupa a châ.

HABAKU 3:4 ပူးပေါင်းရင်းမြစ်များ

NEHEMIAH 9:12

Nohchhô ta meihdo tôh ta âmo chhihtha chi ta, zâ ta ama siena lâpi pakhaih awpa ta mei tôh ta na chhihtha ei.

ZAWBÂ 26:14

Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 18:12

A hmiakô liata khaihna tawhta, Pachie nata pareih vaw tla ta, A meihdozy a vaw chhô pahlie.

PUASAINA 13:21

Ama hmia lâta Abeipa sie ta, chhô nah zâ ta ama sie thei nawpa ta, chhô daihti liata meihdo tôh ta âmo cha a chhi ta, zâ daihti liata âmo pakhaih awpa ta mei tôh ta â chhi ei.

PUASAINA 14:20

Izi pheisaihzy nata Izarei pheisaihzy likawh liata vaw tla ta. Meihdo nata zohna vaw y ta, zâ chhôh zydua meihdo ta hia kha lâ zohna paysapa ta, hia kha la khaihna paysa ta, zâ chhôh zydua ta hia kha lâ tawhta hia kha lâ a hnia thei veih ei.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

EZEKIA 1:27

A chai hawhta â lâpa tawhta a chô lâ liata, thua patliepa a lyupa hmô na ta, a chhôh liata mei a lyupa y ta. A chai hawhta â lâpa tawhta a ry lâ liata, mei a lyupa hmô na ta, a chheipâh liata khaihna y ta.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.