HABAKU 2:9 - Mara Bible RV (BSI)

⁹ “Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

HABAKU 2:9 ပူးပေါင်းရင်းမြစ်များ

HLAZY 49:11

Ama moh ta râh mohzy bi hra ei sala, Ama chhâzaw o cha ama thlâzy châ ta, Chhâ zydua ta ama pahrâ nawpa su a châ.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

ZEREMIAH 22:23

Hy Lebanaw râh liata pahrâ chi ta, Sidy tho hry liata bu a tupa y, Pasana na chô liata vaw tlô aw ta, Chanô sawzeihpa hawhta pasana ta a cha vaw tlô thlu tita, Ngiachhie nâ chhih awpazie rimâ cha!”

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 51:13

Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

ÔBADIA 1:4

“Pahmôhpi hawhta â sâh pi ta a zawpa ta, Awhsizy hry liata na bu tu hra la, Cha tawhna chata ei châ daophi pathlah aw,” Abeipa ta a tah.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.