HABAKU 2:8 - Mara Bible RV (BSI)

⁸ Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

HABAKU 2:8 ပူးပေါင်းရင်းမြစ်များ

HLAZY 137:8

Hy Babylaw sawchanô, Pahleipadiapa châ aw chi ta, Eima chô liata na taopa viari châ thôtuhpa cha, Vânoh topa ta a y aw.

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 33:4

Hy phopizy saih u, nama hraona sôhzy cha, Chângyu chhohna pakhypa hawhta pakhypa châ aw ta, Khawsuzy a zawpa hawhta a zawhnaopa a châ aw.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 30:16

Chavâta châ palâtuhpa zydua cha palâpa châ aw ei ta, Na chariahpa zydua sei ta ama sie aw; Châ hraotuhpazy hraopa châ aw ei ta, Hraona sôh ta châ hmâhtuhpazy chhao, Hraona sôh ta ei tao aw ei.

ZEREMIAH 50:14

“Libaw a keituhpa zydua saih u, Babylaw chadôpa ta a paziah u la, Châtaizy chado leipa ta Babylaw cha ka teh u; Abeipa chô liata a molei haw.

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

ZEREMIAH 50:37

Zaozi ta Babylaw arâzy nata talailihzy a dyuh aw ta, A râh chhôh liata râh hropa pheisaih zydua â dyuh aw; Chatanachata chanô hawhta ama châ aw. Zaozi ta a ryusôhpazy a dyuh aw ta, Hraopa ama châ awh.

ZEREMIAH 51:13

Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZEREMIAH 51:8

Babylaw cha eikhapi ta pao ta, A keichheih haw; Chakhei u la, A hmah liata thohna hniapa teh u, A tlâh thei ngyu aw.

EZEKIA 28:16

Na sôhpaliena hluh ngaitapa hry liata, Nôchhiena ta bie chi ta, Na molei haw. Chavâta apuapa hawhta Khazohpa tlâh tawhta ei cha thy haw; Hy vaituhpa cherubi y, Meilôzy hry tawhta ei cha pahleipadia haw.

EZEKIA 39:10

Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

ÔBADIA 1:15

“Abeipa noh cha, Phopi zydua châta â hnia haw; Na taopa hawh tlai ta, Na chô liata taopa a châ aw; Na hmotaopazy tlai kha, Na luh chô lia â vaw lie aw.

HABAKU 2:10

Phopi hluhpi chhawh pathlah chi ta, Na chhôhkha nozapa ta na soh; Nâma hrona tlai chhao na pahlei.

HABAKU 2:17

Lebanaw chô liata Thachahra na hmâpa khata Cha chhei palie aw ta, Sazy na pahleipadiapa khata Na thlah a cha pazo aw. Chyhsa thisaih palopa ta Chhaohlei taochhie chi ta, Khihpizy nata a chhôh liata pahrâpa zydua Na paraopa kha ta a cha chhei palie aw.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 14:12

Zerusale a dyuhtuhpa phopizy cha, Abeipa ta he potlana heta a hrie aw ei: Ama phei ta amâ dua thlah ha nota ama sapa zao aw ta, ama mokhaoh chhôh liata ama mo zao aw ta, ama pakah chhôh liata ama paleih a zao aw.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.