HABAKU 2:6 - Mara Bible RV (BSI)

⁶ Cha zydua chata Kaldia cha, Pasipasawhpa ta pahneisao ei ta, Hetana heta reichakiana biezy ama rei thlu: “Parupa ta a hneirôhpa cha a hupo ta, Sôhkâzy â pathlu pâpa chhao a hu a po na, Khachâ ma cha hawhta ama tao aw tly?”

HABAKU 2:6 ပူးပေါင်းရင်းမြစ်များ

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.

ZEREMIAH 29:22

Âmo vâna chata, Babylaw râ liata sei ta â tâhpa Zudâh mo zydua ta, ‘Babylaw bei ta mei ta a raopa Zedekia nata Ahabâ hawhna khata Abeipa ta na chô liata tao mawh sy,’ tahpa bie he chhiesana châta ama hmâh tyh aw.

MALUHREINA 23:7

Bâlâma ta a bie daopa cha reih ta: “Aramia tawhta Bâlâka ta nâ vaw chhi ta, Nochhi tlâhpizy tawhta Môabâ bei ta einâ vaw chhi; ‘A vy la, Zakaw chhie na sapa teh, A vy la, Izarei thailei pachâsa teh!’ eina tah.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

HABAKU 1:15

Moleipa ta ama zydua ta keipa ta thua ta, A sao ta âmo cha a patu ha ei; A sao sykhao chhôh liata khô ta, A thapha ta â ly ngaita.

EZEKIA 32:21

Izi nata a zawpizy kyh liata, beimachâ thatlôpazy nata âmo baotuhpazy ta, ‘Zaozi ta thiepa chopawtaileipazy a zu ei ta, amâ zia thlâh haw,’ tahpa ta Athihkhih tawhta ama reih aw.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

BIESOZY 22:16

Ano hneirôna papôh nawpa ta dyhchhiepa tlybai ta, Hneirôhpa hnohta sôh nah thih a piepa cha, Dyhchhiena ta a tlô thlu aw.

HLAZY 94:3

Hy Abeipa, khachâ ma a châ aw, Hmoparaopazy khati taih ma amâ ly aw?

MALUHREINA 23:18

Bâlâma ta a bie daopa cha thaoh ta, “Hy Bâlâka, thyu la, nathlie teh, Zipô sawchapawpa y, ei bie he nathlie mah y.

ISAI 10:13

Asuria bei ta, “Hezy he ei ku thatlôna ta tao na ta, Novâhna a hneipa ei châpa vâta, Ei sona ta ei taopa a châ. Phopizy râhrizy pasiepa ta, Ama ryusôhpazy hrao na ta; Beidyuchhai liata a tyuhpazy chhao, Viahchao tôhpa hawhta ei daophi pathlah ha ei.

HABAKU 2:12

“Thisaih ta khihpi padua ta, Moleina ta khih a paduapa cha, A hu a po na!

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.