HABAKU 2:1 - Mara Bible RV (BSI)

¹ Ei riahvaina su liata a duah aw na ta, O sâhpa chô liata yna ei paryh aw; Abeipa ta ei hnohta a rei awpa mokhâh aw na ta, Ei paphôhna â chhyna ei mokhâh aw.

HABAKU 2:1 ပူးပေါင်းရင်းမြစ်များ

2 SAMUELA 18:24

Dâvi cha thokhy chhikao mianopa likawh liata a tyuh thlâh ha ta. Riahvaituhpa cha khôtho lâ a daihpa thokhy chhikao chô lâ kiah ta, mohmia pasaih ta, chyhsa pakha ano deita a vaw râpa hmô ta.

2 ABEIZY 17:9

Izarei sawzy ta Abeipa ama Khazohpa chô liata hmo doleipa arulâta tao tyh ei ta. Ama khih zydua liata, riahvaina o sâhpa tawhta thokhy hneipa khihpi taihta su sâhpazy tao ei ta.

2 ABEIZY 9:17

Zezari thokhy chô liata a duahpa riahvaituhpa ta Zehu py amâ vypa cha kei hmô ta, “Pheisaih py ei hmô,” tah ta. Zôrâ ta, “Âmo dy awpa ta arâ pheisaih pakha tuah la, ama hnohta, ‘Phana kyh a châ ma?’ kei tah mawh sy,” tah ta.

ZAWBÂ 31:35

Aw, ei bie a nathliepa pakha chhâ y ei sala ei tah kaw dia! Moh teh u, ei thaichâna bie liata ei moh ei ro thlu hih, Atotaotheipa ta nâ chhy mawh sy. Aw, ei khakhaipa ta eina leihna bie cha ropa ta ei hnei mawh sala ei tah kaw dia!

ZAWBÂ 31:37

Ei taopa maih chho aw na ta, Ryureituhpa hawhta ano cha ei pangai awpa tlai.

HLAZY 5:3

Hy Abeipa, my ta ei ao thei mah y, My ta nâma lâ thlahchhâ na ta, ei cha hâ.

HLAZY 85:8

Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy.

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

ISAI 21:5

Tlâhkhai a chhuahdypa ta, Vaituhpazy soh ei ta, Niepa ta, doh ei ta. Hy beimachâzy saih u, thyu u la, Vyhphao kha sathaw thu teh u!

ISAI 21:6

Abeipa ta ei hnohta hetana heta a tah: “Sie la, riahvaituhpa kei soh la, A hmôpa phuah mawh sy.

ISAI 21:8

Riahvaituhpa cha chakeibarôhneipa hawhta awh ta, “Hy Abeipa, riahvaina o sâhpa liata, Noh y ta a duah na ta; Ei vaina su liata, Zâ khihdei ta ei y.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.