HABAKU 1:9 - Mara Bible RV (BSI)

⁹ Thachahra hmâ awpa ta ama zydua ta amâ vy; Nochhi thlih rupa hawhta pathli ei ta, Sadi hawhta hluhpa ta seizy ama pakhy.

HABAKU 1:9 ပူးပေါင်းရင်းမြစ်များ

ÂTHAONA 41:49

Zawsi ta sâh cha a hluh thei chaipa ta, tilaipi liata sadi zie ta pahmaoh ta, a panua chhao panua khao veih ei. A hluh tu hapa vâta panua tiah awpa châ khao vei.

2 ABEIZY 12:17

Cha daihti liata Aramia bei Hâze cha khy ta, Kâthâ khih a dyuh ta, la ta. Hâze cha Zerusale lâ khy lymâ a chhuah ta.

ZAWBÂ 29:18

‘Ei bu liata thi aw na ta, Ei nohzy sadi zie ta ei papôh aw;

HLAZY 139:18

Reih aw sah la, Sadi hlâta hluh via ei ta; A vaw hra na ta, Na hnohta ei y thlâh ha chy.

ISAI 27:8

Izarei cha a dyuh chi ta, A râh tawhta papuapa ta, Na papaipatla haw. Nochhi thlih hrâhpa pathli no hawhta, Abeipa hu thatlôpa ta Izarei cha phaoh ta, A pasie haw.

ZEREMIAH 15:8

Tilaipi sadi hlâta hluh viapa ta, Ama nôhmeizy ei papôh. Satliapazy nôzy lâta paraotuhpazy tuah na ta, Nohchhô sawhvaw ta nôzy cha ama parao; Chichhihna nata thlazohna patlôsa na ta, Eikhapi ta ama chô liata a tlô thlu ei.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 4:11

Cha tina cha, he phopi nata Zerusale hnohta hetana heta ama tah aw: “Râhchawhpa awphy tlâh lakizy tawhta thlih lalôhpa ta ei phopi sawchanô lâ vaw pathli ta, châhrasala zie awpa ta tlyma, pathai awpa ta tlyma châ vei.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

EZEKIA 17:10

Moh teh u, lopa châ ha ta, châhrasala a pha aw ma? Nochhi thlih ta a vaw chanaoh tita, uah khai thlâh ha aw vei ma? A pyuna su lia tlai ta uah thlâh ha aw vei ma?’ tahpa ta reih teh,” tah ta.

EZEKIA 19:12

Châhrasala kre zôh cha hiehâhpa ta phia ei ta, Alei liata ama thy haw; Nochhi thlih ta a thei pachawh ta, A theizy zô ta a uah haw. A chiah châpa chhao, Mei ta a kâ haw.

DÂNIAH 11:17

Chatawhcha maw bei cha a khinarâh pôhpalôhpa thatlôna chhaota chho lâ a heihpa ta zu aw ta, chho bei nata azaona a tao aw. Chho khinarâh a parao thei nawpa ta, chanôzy sawchanô pakha a lapinô châta a pie aw. Châhrasala â chhuahnazy a hlaotloh leipa aw ta, ano châta phahnai aw vei.

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

HÔSIA 13:15

A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.

HABAKU 1:17

Cha hawhta a châ khiahta cha, A sao cha paruapa ta Chôh chanei lymâ aw ta ma, Ngiachhiena rai hnei leipa ta, Phopizy khâ a thie aw ei?

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

RYUREITUHPAZY 7:12

Midia mo, Amale mo nata nochhi chyhsa zydua cha khawsu hawh tlai ta hluhpa ta saikao liata vaw y ei ta. Ama râraoseihpazy cha rei tiah awpa châ leipa ta, tilaipi ngiahkâ liata sadi hawh tlai ta ama hluh.