HABAKU 1:3 - Mara Bible RV (BSI)

³ Khazia moleina na pahmôsa chi ta, Paraona eina pamosa chi? Raona nata atudainazy ei mohmô ta y ta, Ahryuchhiana pôh ta, A-iekhyhnazy a pôh lymâ.

HABAKU 1:3 ပူးပေါင်းရင်းမြစ်များ

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

ZEREMIAH 20:18

Hriapasana nata pachârôhna a tyhpa ta, Nozapa ta ei hro chhôh nohzy hmâh awpa heta, Khazia ma chhi tawhta ei vaw pua tly?

ZEREMIAH 20:8

Bie ei reina maihta awh na ta, “Atudaina nata raona!” Tahpa ta ei awh tyh. Abeipa bie cha kei châta reipachhiena tona dei châ ta, Noh y ta pasipasawhna tona dei a châ.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

2 PITY 2:8

Kha chyhsa siapa kha ama hry liata y ta, chyhsazy ta ryhpa rai zyh khoh leipa ei ta, âmo khozie hawhta noh chareih ama hropa a hmôpa nata a theipazy ta a siana palôh a pasasa ngaita tyh.