EZRÂ 9:8 - Mara Bible RV (BSI)

⁸ Tahmâ deikua cha, Abeipa eima Khazohpa ta bohpi leipa chhôh khokheina miah patosa ta, laibâhpazy miah pahlôhpa ta, a su pathaihpa liata abohna miah pie ta. Eima mozy pavâ awpa nata seichâna tawhta a chyhta a hua awpa ta, eima Khazohpa ta miah pasaih ta.

EZRÂ 9:8 ပူးပေါင်းရင်းမြစ်များ

2 ABEIZY 19:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.

EZRÂ 9:9

Seizy châ pi ta, châhrasala eima Khazohpa cha eima seichâna liata miah a heihsai vei. Persia beizy hmiakô liata eima chô liata a zawngiahna a palâsa. Eima Khazohpa o padua ta, a raonazy taopathi awpa ta, eima seichâna tawhta miah pahua ta, Zudâh nata Zerusale liata abohna thokhyzy miah a taopa.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

ZAWBÂ 33:30

A thlahpa khaohtlô tawhta a chhi pakhua heihpa ta, Hrona khaihpa ta a chô liata a khaih thei nawpa ta, Cha hmo cha a taopa a châ.

HLAZY 13:3

Hy Abeipa ei Khazohpa, Na moh la, nâ chhy la, Ei mo pavâsa mah y; Chataleipatala, a môsao pathlei aw na ta,

HLAZY 13:4

Ei chariahpa ta, “Ei pahnie haw,” tah aw ta, Ei chalyupa vâta ei khakhaipa â ly pathlei aw na.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 34:5

Ano a mohtuhpazy cha khaih ei ta, Ama hmia nozapa ta y beih aw vei.

HLAZY 85:6

Na phopi he nâma liata â ly thei nawpa ta, Miah pahra heih aw va chi ma?

BIESOZY 29:13

Dyhchhiepa nata tlybaituhpa a tyh ei ta, Abeipa ta ama mo a pavâsa raihrie ei.

BIECHHOTUHPA 12:11

Chyhsa sopa biezy cha chôchahrei pazaopa hawhta châ ta, bieso lapakhypazy cha thuakhai ta â i ngaitapa ta khaipâ hapa hawhta a châ. Chazy cha Mietaku Vaituhpa pakha ta a piepazy a châ khai.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”

EZEKIA 14:22

Chatahrasala pachâ teh u, sawchapaw nata sawchanô laibâhpa thokhazy cha khihpi chhôh liata pahlôhpa châ aw ei ta, khihpi tawhta a chhi papuapa ama châ aw. Nâmo lâ ama vaw pua tita, ama hroziezy nata ama hmotaopazy hmô aw ei chi ta, Zerusale chô liata chhiena ei patlôsapa kyh liata thlahpalôhpa châ aw ei chi ta, khihpi chô liata ei patlôsapa zydua kyh liata thlahpalôhpa nama châ aw.

HÔSIA 6:2

Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

HABAKU 3:2

Hy Abeipa, na thâpha ama reipa thei na ta, Hy Abeipa, na hmotaopazy noâh ei tah ngaita. Keimo daihti liata pathieh heih la, Keimo chhâ liata pahnosa heih mah y! Pathiiana liata zawngiahna a thei tyh mah y!

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

ZEKARIA 10:4

Zudâh tawhta a ki liata alô vaw pua aw ta, Ano tawhta poh o tôh a pua aw; Ano tawhta adyuhna libaw pua aw ta, Ano tawhta ryureituhpa zydua ama vaw pua aw.

ZEKARIA 8:12

“Thlalôhna chi tupa a châ bâ aw. Kre zôh ta a thei papua aw ta, chhaohlei ta kôvei papuapa ta, avâ ta diati a patlasa aw. He hmo zydua he phopi laibâhpazy hnohta ama ryuto châta ei pie aw ei.

ZEKARIA 8:6

Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

1 SAMUELA 14:27

Zawnathâ deikua cha, a paw ta bietai ta pheisaihzy a vaw chahry hapa cha pahno leipa ta, a chôchahrei chabapa pawhmao ta kheihthlawh liata kei dy ta, a pakah liata a ku â tu ta, a mo vaw sia ha ta.

1 SAMUELA 14:29

Zawnathâ ta, “Ei paw cha râh nô a papo cha zaw! Pachâ tua u, kheihti a chyhta ei padipa vâta ei mo liahsa a vaw sia ha hih.