EZRÂ 9:7 - Mara Bible RV (BSI)

⁷ Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

EZRÂ 9:7 ပူးပေါင်းရင်းမြစ်များ

1 ABEIZY 8:47

sei ta amâ chhina râh liata ama palôh zy ananopa ta, ro ei sala, âmo a patutuhpazy râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

2 THÂTIHZYRONA 29:6

Miah pathlatuhpazy khata ngâchhih leipa ei ta, Abeipa eima Khazohpa mohmô liata hmo pha leipa ama tao haw. Ano cha a heihsai ei ta, Abeipa pahrâna su cha ama hmia nyusai ei ta, hnôh ama chhy haw.

2 THÂTIHZYRONA 30:7

Nâmo la châ pathlatuhpazy nata nama unawhzy hawhna khata y khuh vy. Âmo cha Abeipa, ama pathlatuhpazy Khazohpa chô liata ngâchhih leipa ei ta, nama hmôpa hawhna heta, Abeipa ta roryhrapa ta a tao ha ei.

2 THÂTIHZYRONA 34:24

Abeipa ta hetana heta a tah, pachâ teh, he su nata a chhôh liata a pahrâpazy chô liata chhiena patlôsa aw na ta, Zudâh bei hmiakô liata ama rei papuapa, châbu liata ropa chhiesana zydua ama chô liata ei patlôsa aw.

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ZEREMIAH 25:18

Tanoh duahmo hawhna heta, roryhrapa nata rypa ta paysapa awpa nata hmaotô chiepa nata chhiesapa ta paysa awpa ta, Zerusale nata Zudâh khihpizy nata a beizy nata beimachâzy;

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 32:32

Izarei pathlazy nata Zudâh pathlazy ta ei chô liata hmo pha leipa tao ei ta, ama beizy, ama beimachâzy, ama theihthaipazy, ama hrohsopazy, Zudâh râhsawzy nata Zerusale khihsawzy ta ei chô liata hmo pha leipazy taopa ta ei hie eina pahâhna zydua vâ ei ta, cha hmo cha ama chô liata ei patlôsa aw.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 44:9

Châ pathlatuhpazy moleina, Zudâh beizy nata ama lapinôzy moleina, nâmo moleina nata nama lapinôzy ta Zudâh râh nata Zerusale khiliahzy liata moleina hmo ama taopa zy kha nama my khai ha ma?

CHAPHÔHTUNA 5:7

Miah pathlatuhpazy ta vaw molei ei ta, Âmo cha y khao veih ei; Keimo ta ama paraonazy eima phaoh.

EZEKIA 11:9

Khihpi tawhta cha papuapa ta, chihropazy ku liata cha hlâ aw ei na ta, nama thâtih ei pachia aw.

EZEKIA 39:23

Phopizy ta Izarei pathlazy cha ama paraona vâta seichâna lâ a siepa ama châzie ama pahno aw. Ei chô liata ngâchhih leipa ta ama ypa vâta, âmo tawhta ei hmia nyupa ta, ama khakhaipazy ku liata hlâ ei na ta, zaozi ta ama pao khai hapa a châ.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.