EZRÂ 9:5 - Mara Bible RV (BSI)

⁵ Zâlâ atheihna daihti liata kâhvileipa ta ei ypa tawhta thyu na ta, ei viahkao nata ei poh a hrie khai hapazy chhaota ei pakhu paneih na ta, Abeipa ei Khazohpa hmiakô lâ ei bâh pazawh na ta, a hnohta,

EZRÂ 9:5 ပူးပေါင်းရင်းမြစ်များ

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:38

ama palôh pasana pahno chyupa ta, mopakha ta tlyma, Izarei zawpi ta tlyma, he o lâ he a heihpa ta ama ku pazawh ei sala, thlahchhâna nata hiana ama vaw tlôkhei khiahta cha,

1 ABEIZY 8:54

Sawlawmaw cha Abeipa lâta thlahchhâna nata hiana zydua a hnei khai nahta, Abeipa maisâh hmiakô liata pakhu paneihpa ta avâ lâ ku pazawhpa ta a yna tawhta thyu ta.

2 THÂTIHZYRONA 6:13

Sawlawmaw cha dawh laitlâ, a doh lâ dy pangawh, a hâ lâ dy pangawh, â sâhna lâ dy thôh ta tao ta, Achhyna o dôhpachhôh tlyhmia liata a patyupa chô liata a duah ta. Izarei zawpi zydua hmiakô liata a pakhu paneih ta, avâ lâ a heipa ta a bâh pazawh ta, hetana heta thlah a chhâ.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

HLAZY 141:2

Ei thlahchhâna he, Ropahâhpa hawhta na hmiakô liata châ sala; Ei ku chaluahpa he, Zâlâ atheihna hawhta châ mawh sy!

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

PUASAINA 9:33

Mawsi cha Phiraoh tawhta a pasiepa ta khihpi khôtho lâ pua ta, Abeipa lâ a ku pazawh ta. Chatanachata tôkalôhpa nata pareih cha a chalih ei ta, avâ chhao alei chô liata â vaw hia haw.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

DÂNIAH 10:2

Cha nohzy liata, kei, Dâniah cha hâta ei thôh chhôh mâchhiesapa ta y na ta.

LUKA 22:41

Alô vaw phana rakha lâ ânano ta sie ta, a pakhu paneih ta, thlahchhâ ta,

HMOTAOPAZY 21:5

Cha liata y nawpa daihti a chhâ nahta, pua pi ta, sie heih pi ta. Unawhzy cha ama zydua ta, ama lapi sawzy chhaota, khih eima khô hlâlei miah vaw pathlie ei ta. Raphyu liata eima pakhu paneihpa ta thlah eima chhâ khai tawhta,

EPHESI 3:14

Cha vâna chata Paw hmiakô liata pakhu paneihpa ta ei bôh tyh.